വാഹന പിഴകൾ പകുതി തുകയ്ക്ക് തീർപ്പാക്കാം

മലപ്പുറം: ഗതാഗത നിയമലംഘനങ്ങളുമായി ബന്ധപ്പെട്ട് കെട്ടിക്കിടക്കുന്ന പിഴ തുകകൾ പകുതി തുകയ്ക്ക് അടച്ചുതീർക്കാൻ അവസരം. സർക്കാരിന്റെ പ്രത്യേക ഒറ്റത്തവണ തീർപ്പാക്കൽ പദ്ധതിയുടെ ഭാഗമായാണ് അവസരമുള്ളത്. 2024 ഡിസംബർ 31 വരെ ചാർജ് ചെയ്ത ഇ-ചലാനുകൾക്കാണ് ഇളവ് ലഭിക്കുക. പൊലീസ്, മോട്ടോർ വാഹന വകുപ്പ് എന്നിവർ പിടികൂടിയ കേസുകൾക്കും നിലവിൽ കോടതിയുടെ പരിഗണനയിലുള്ള കേസുകൾക്കും ഈ ഇളവ് ബാധകമാണ്. ഒറ്റത്തതവണ തീർപ്പാക്കൽ പദ്ധതിയുടെ ഭാഗമായി ഇന്നും 25നും മലപ്പുറം എസ്.പി ഓഫീസ് അനക്സ് ഹാളിൽ നടത്തുന്ന അദാലത്തിൽ പിഴ തുക തീർപ്പാക്കാൻ അവസരമുണ്ട്. രാവിലെ 10 മുതൽ വൈകിട്ട് മൂന്ന് വരെയാണ് അദാലത്ത്. യു.പി.ഐ, ഡെബിറ്റ്/ക്രെഡിറ്റ് കാർഡുകൾ എന്നിവ മുഖേന പണമടയ്ക്കാം. നേരിട്ട് പണം സ്വീകരിക്കില്ല.