ആഞ്ജനേയോത്സവം സമാപിച്ചു

തിരുവല്ല : ചക്കുളത്തുകാവ് ശ്രീഭഗവതിക്ഷേത്രത്തിലെ ആഞ്ജനേയോത്സവം സമാപിച്ചു. അഷ്ടദ്രവ്യ മഹാഗണപതിഹോമം, വിശേഷാൽ പൂജകൾ, കലശപൂജ, അഭിഷേകം, പന്തീരടി പൂജ, രാമായണ പാരായണം, പ്രഭാഷണങ്ങൾ എന്നിവ നടന്നു . സമാപന ദിവസമായ ഇന്നലെ പാൽ ,കരിക്ക് ,പനിനീര്, തേൻ ,കളഭം, കുങ്കുമം, മഞ്ഞൾ പൊടി ഭസ്മം എന്നിവകൊണ്ട് അഭിഷേകവും തുടർന്ന് എഴുന്നെള്ളത്തും ആഘോഷപൂർവ്വം നടന്നു. ക്ഷേത്ര മുഖ്യ കാര്യദർശി രാധകൃഷ്ണൻ നമ്പൂതിരി, കാര്യദർശി മണിക്കുട്ടൻ നമ്പൂതിരി, മേൽശാന്തിമാരായ അശോകൻ നമ്പൂതിരി, രഞ്ചിത്ത് ബി.നമ്പൂതിരി, ദുർഗാദത്തൽ നമ്പൂതിരി എന്നിവർ കാർമികത്വം വഹിച്ചു.