പി.എസ്.സി പ്രായോഗിക പരീക്ഷ

തിരുവനന്തപുരം: ആർക്കിയോളജി വകുപ്പിൽ ഫോട്ടോഗ്രാഫർ (കാറ്റഗറി നമ്പർ 581/2024) തസ്തികയിലേക്ക് 29, 30 തീയതികളിൽ തിരുവനന്തപുരം, തിരുവല്ലം, ചിത്രാഞ്ജലി ഹിൽസ്, സി-ഡിറ്റിൽ പ്രായോഗിക പരീക്ഷ നടത്തും.

അഭിമുഖം

കാസർകോട് ജില്ലയിൽ വിദ്യാഭ്യാസ വകുപ്പിൽ ഹൈസ്‌കൂൾ ടീച്ചർ (ഇംഗ്ലീഷ്) (കാറ്റഗറി നമ്പർ 603/2024) തസ്തികയിലേക്ക് 28, 29, 30 തീയതികളിൽ പി.എസ്.സി കാസർകോട് , കണ്ണൂർ ഓഫീസുകളിലും ഹൈസ്‌കൂൾ ടീച്ചർ (അറബി) (തസ്തികമാറ്റം മുഖേന) (കാറ്റഗറി നമ്പർ 109/2025) തസ്തികയിലേക്ക് 28 ന് പി.എസ്.സി കാസർകോട് ജില്ലാ ഓഫീസിലും അഭിമുഖം നടത്തും.

ഇടുക്കി ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് 2 (ഹോമിയോ) (കാറ്റഗറി നമ്പർ 80/2024) തസ്തികയുടെ ചുരുക്കപട്ടികയിലുൾപ്പെട്ടവർക്ക് 28ന് പി.എസ്.സി കോട്ടയം ജില്ലാ ഓഫീസിൽ അഭിമുഖം നടത്തും.

തിരുവനന്തപുരം ജില്ലയിൽ വിദ്യാഭ്യാസ വകുപ്പിൽ ഹൈസ്‌കൂൾ ടീച്ചർ (മാത്തമാറ്റിക്സ്) മലയാളം മീഡിയം (കാറ്റഗറി നമ്പർ 599/2024), ഹൈസ്‌കൂൾ ടീച്ചർ (നാച്ചുറൽ സയൻസ്) (മലയാളം മീഡിയം) (കാറ്റഗറി നമ്പർ 602/2024) തസ്തികകളിലേക്ക് 28, 29, 30 തീയതികളിൽ പി.എസ്.സി ആസ്ഥാന ഓഫീസിൽ അഭിമുഖം നടത്തും. ഓയിൽ പാം ഇന്ത്യ ലിമിറ്റഡിൽ ഫീൽഡ് അസിസ്റ്റന്റ് (കാറ്റഗറി നമ്പർ 473/2024) തസ്തികയിലേക്ക് 30ന് പി.എസ്.സി ആസ്ഥാന ഓഫീസിൽ അഭിമുഖം നടത്തും.

ഒ.എം.ആർ പരീക്ഷ

കേരള പൊലീസ്, എക്‌സൈസ്, കെ.എ.ടി., കെ.എസ്.എഫ്.ഇ., കെ.എസ്.ഇ.ബി., കെ.എസ്.ആർ.ടി.സി., കേരളത്തിലെ യൂണിവേഴ്സിറ്റികൾ, പ്രിസൺസ് തുടങ്ങി വിവിധ വകുപ്പുകളിൽ ഇൻസ്‌പെക്ടർ, അസിസ്റ്റന്റ്, ജൂനിയർ അസിസ്റ്റന്റ് (കാറ്റഗറി നമ്പർ 17/2025, 187/2025, 188/2025, 221/2025, 269/2025, 382/2025, 383/2025, 446/2025-454/2025, 463/2025, 573/2025, 698/2025-700/2025 മുതലായ തസ്തികകളിലേക്കുള്ള ഒന്നാംഘട്ട ബിരുദതല പൊതുപ്രാഥമിക ഒ.എം.ആർ പരീക്ഷ മേയ് 2 ന് ഉച്ചയ്ക്കുശേഷം 1.30 മുതൽ 3.05 വരെ നടത്തും.