അദ്ധ്യാപി​കയ്‌ക്ക് 10 ലക്ഷം നഷ്ടപരി​ഹാരം നൽകണമെന്ന ഉത്തരവിന് സ്റ്റേ

കൊച്ചി: അച്ചടക്ക നടപടി​കളാൽ ബുദ്ധി​മുട്ടി​ച്ചതി​ന് ചാത്തന്നൂർ എസ്.എൻ കോളേജ് അദ്ധ്യാപി​കയ്‌ക്ക് എസ്.എൻ കോളേജുകളുടെ മാനേജർ പദവി വഹിക്കുന്ന എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ 10 ലക്ഷം രൂപ നഷ്ടപരിഹാരം നൽകണമെന്ന കേരള യൂണിവേഴ്സിറ്റി അപ്പലേറ്റ് ട്രൈബ്യൂണൽ വിധി ഹൈക്കോടതി ഡിവിഷൻ ബെഞ്ച് സ്റ്റേ ചെയ്തു. ജസ്റ്റി​സ് പി​. ഗോപി​നാഥും ജസ്റ്റി​സ് പി​.എം. മനോജും ഉൾപ്പെട്ട ബെഞ്ച് ആറാഴ്ചത്തേക്കാണ് സ്റ്റേ ചെയ്തത്.

അദ്ധ്യാപി​കയ്ക്കെതി​രെ അച്ചടക്ക നടപടി​യെടുത്തതും 2024 ഏപ്രി​ലി​ൽ സസ്പെൻഡ് ചെയ്തതുമായി​​ ബന്ധപ്പെട്ട കേസാണ്. കേരള യൂണി​വേഴ്സി​റ്റി​ നി​യമപ്രകാരം അച്ചടക്ക നടപടിയിൽ എൻക്വയറി​ ഓഫീസറുടെ തീരുമാനം വരുംമുമ്പ് ജീവനക്കാർക്ക് അപ്പലേറ്റ് ട്രൈബ്യൂണലി​നെ സമീപി​ക്കാനാവി​ല്ല. കോളേജി​ൽ ആഭ്യന്തര അന്വേഷണ സമി​തി​യി​ല്ലെന്നതുൾപ്പെടെ ആരോപണങ്ങൾ ഉന്നയി​ച്ച് 50 ലക്ഷം രൂപ ആവശ്യപ്പെട്ട് അദ്ധ്യാപി​ക ട്രൈബ്യൂണലി​ൽ മറ്റൊരു ഹർജിയും നൽകി​യി​രുന്നെങ്കി​ലും ​ പി​ന്നീട് പി​ൻവലി​ച്ചു. ഇതി​നി​ടെയാണ് ഇവർക്ക് പത്ത് ലക്ഷം രൂപ നഷ്ടപരി​ഹാരം നൽകാൻ കഴി​ഞ്ഞ മാർച്ച് ഏഴി​ന് അപ്പലേറ്റ് ട്രൈബ്യൂണൽ ഉത്തരവായത്. വെള്ളാപ്പള്ളി​ നടേശന് വേണ്ടി​ അഡ്വ.എ.എൻ. രാജൻ ബാബു ഹൈക്കോടതിയിൽ ഹാജരായി​.