51ഗ്രാം ഹെറോയിനുമായി അസാം സ്വദേശി പിടിയിൽ

ആലുവ: ആലുവ റെയിൽവേസ്റ്റേഷന് സമീപം 51ഗ്രാം ഹെറോയിനുമായി അന്യസംസ്ഥാന തൊഴിലാളി പൊലീസ് പിടിയിലായി. അസാം സ്വദേശി അയ്നുൾ ഹഖാണ് (31) ആലുവ പൊലീസിന്റെ പിടിയിലായത്. ഒഡീഷയിൽനിന്നും വാങ്ങി ആലുവ റെയിൽവേ സ്റ്റേഷന്റെ സമീപത്ത് വില്പനയ്ക്ക് നിൽക്കുമ്പോഴാണ് പിടിയിലാകുന്നത്. ബാഗിൽ പ്രത്യേകഅറയിൽ സൂക്ഷിച്ച നിലയിലായിരുന്നു. പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.

ഇൻസ്പെക്ടർ കെ.ജി. ഗോപകുമാർ, എസ്.ഐമാരായ വന്ദന കൃഷ്ണൻ, വിനിൽകുമാർ, സി.പി.ഒ വി.എ. അഫ്സൽ, കെ.എ. സിറാജുദീൻ, അരവിന്ദ് വിജയൻ എന്നിവരാണ് പ്രതിയെ പിടികൂടിയത്.