പ്രതിഷ്ഠാദിന മഹോത്സവം

പാലക്കാട്: മലബാർ ദേവസ്വം ബോർഡ് വക പാങ്ങൽ ശിവക്ഷേത്രത്തിൽ പുനഃപ്രതിഷ്ഠയുടെ വാർഷിക ആഘോഷങ്ങൾ നടത്തപ്പെട്ടു. ക്ഷേത്ര ശുദ്ധിക്രിയകൾ, ഗണപതി പൂജ, അത്താഴ പൂജ, ഗണപതി ഹോമം, കലശ പൂജകൾ, ഉപദേവത കലശാഭിഷേകങ്ങൾ എന്നിവ നടന്നു. ക്ഷേത്രം തന്ത്രിമാരായ അഴീക്കോട് ശശി നമ്പൂതിരി, പുതുമന മനു നമ്പൂതിരി എന്നിവർ മുഖ്യകാർമികത്വം വഹിച്ചു. ട്രസ്റ്റ് ബോർഡ് പ്രസിഡന്റ് കെ.രവി, സെക്രട്ടറി എം.ശിവദാസ്, ബോർഡ് മെമ്പർ പി.നാരായണൻകുട്ടി, എം.സതീഷ് എന്നിവർ നേതൃത്വം നൽകി.