പവർകട്ട് പിൻവലിക്കണം

തിരുവല്ല: സംസ്ഥാനത്ത് ഏർപ്പെടുത്തിയ അപ്രഖ്യാപിത പവർ കട്ട് പിൻവലിക്കണമെന്ന് നാഷണലിസ്റ്റ് കേരള കോൺഗ്രസ് സംസ്ഥാന ചെയർമാനും എൻ ഡി എ വൈസ് ചെയർമാനുമായ കുരുവിള മാത്യൂസ് ആവശ്യപ്പെട്ടു. വൈദ്യുതി പ്രതിസന്ധി ഉണ്ടെങ്കിൽ ഉപഭോക്താക്കളെ മുൻകൂട്ടി സമയം അറിയിച്ചു നിയന്ത്രണം ഏർപ്പെടുത്തണമെന്നും മറിച്ച് വേനൽക്കാലത്ത് ജനങ്ങളെ ബുദ്ധിമുട്ടിക്കുന്ന പവർ കട്ട് നടപടികൾ അവസാനിപ്പിക്കണമെന്നും കുരുവിള മാത്യൂസ് ആവശ്യപ്പെട്ടു. വൈദ്യുതി ബോർഡ് ചെയ്യേണ്ട കാര്യങ്ങൾ സമയബന്ധിതമായി ചെയ്യാത്തതാണ് ഇപ്പോഴത്തെ പ്രതിസന്ധിയുടെ കാരണമെന്ന് ആരോപി​ച്ചു.