പോപ്പുലർ ഫൈനാൻസ് ഉടമയുടെ ജാമ്യം റദ്ദാക്കിയില്ല

ന്യൂഡൽഹി: 2000 കോടിയിൽപ്പരം രൂപയുടെ നിക്ഷേപത്തട്ടിപ്പുക്കേസിൽ പോപ്പുല‍ർ ഫൈനാൻസ് ഉടമ തോമസ് ഡാനിയേലിന് സുപ്രീംകോടതിയിൽ ആശ്വാസം. 2023 സെപ്‌തംബറിൽ കേരള ഹൈക്കോടതി അനുവദിച്ച ജാമ്യം റദ്ദാക്കാൻ ജസ്റ്റിസുമാരായ വിക്രംനാഥ്,​ സന്ദീപ് മേത്ത എന്നിവരടങ്ങിയ ബെഞ്ച് വിസമ്മതിച്ചു. ജാമ്യം റദ്ദാക്കണമെന്ന ഇ.ഡിയുടെ ഹ‌ർജി തള്ളി. പ്രതി ജാമ്യവ്യവസ്ഥകൾ ലംഘിച്ചാൽ അതു റദ്ദാക്കാൻ കേരള ഹൈക്കോടതിയെ തന്നെ ഇ.ഡിക്ക് സമീപിക്കാവുന്നതാണെന്നും വ്യക്തത വരുത്തി. 2020 ആഗസ്റ്റ് 29നായിരുന്നു അറസ്റ്റ്.