കുടുംബസംഗമവും മേയ് ദിന റാലിയും

വൈക്കം:അസോസിയേൻ ഒഫ് ഓട്ടോമൊബൈൽ വർക്ക്‌ഷോപ്പ്സ് കേരള വൈക്കം യൂണി​റ്റിന്റെ വാർഷികവും കുടുംബസംഗമവും മേയ്ദിന റാലിയും നടത്തി. കുടുംബസംഗമം സംസ്ഥാന പ്രസിഡന്റ് കെ.ജി.ഗോപകുമാർ ഉദ്ഘാടനം ചെയ്തു. യൂണി​റ്റ് പ്രസിഡന്റ് ടി.ആർ.അഭിലാഷ് അദ്ധ്യക്ഷത വഹിച്ചു. സംസ്ഥാന ജോ.സെക്രട്ടറി പി.എൽ.ജോസ്‌മോൻ മുഖ്യ പ്രഭാഷണം നടത്തി. 'സംഘടന ഇന്ന് ' വിഷയം ജില്ലാ പ്രസിഡന്റ് എ.ആർ.രാജൻ വിശദീകരിച്ചു. ജില്ലാ സെക്രട്ടറി കെ.പി.എൻ.സുരേഷ് ബാബു വിവിധ രംഗങ്ങളിൽ കഴിവ് തെളിയിച്ചവരെ ആദരിച്ചു. ജില്ലാ ട്രഷറർ പി.ജി.ഗിരീഷ് ഐ.ഡി കാർഡുകൾ വിതരണം ചെയ്തു. സി.ബിജീഷ് കുമാർ റിപ്പോർട്ട് അവതരിപ്പിച്ചു.