കാണിക്കവഞ്ചി കുത്തിത്തുറന്ന് പണം മോഷ്ടിച്ചയാൾ അറസ്റ്റിൽ

തിരുവനന്തപുരം: പൂന്തുറ ശ്രീ ശാസ്താ ക്ഷേത്രത്തിലെ കാണിക്കവഞ്ചികൾ കുത്തിത്തുറന്ന് പണം മോഷ്ടിച്ചയാൾ അറസ്റ്റിൽ. ടി.സി.69/2996 യു പുതുവാൾ പള്ളത്തുവീട്ടിൽ ശിവകുമാറിനെയാണ്(41) പൂന്തുറ പൊലീസ് പിടികൂടിയത്.

ഏപ്രിൽ 4ന് പുലർച്ചെയായിരുന്നു കവർച്ച. ക്ഷേത്രത്തിലെ മൂന്ന് കാണിക്കവഞ്ചികൾ കുത്തിത്തുറന്ന് 20,​000 രൂപയോളം മോഷ്ടിക്കുകയായിരുന്നു. ഒളിവിൽ കഴി‌ഞ്ഞിരുന്ന ഇയാളെ കഴിഞ്ഞ ദിവസം രാത്രി 8ന് സി.ഐ രാജേന്ദ്രൻപിള്ള,എസ്.ഐ അജു,മനോജ്,ജെറാൾഡ് ബോസ് എന്നിവരടങ്ങിയ സംഘം വലിയതുറ കടൽപ്പാലത്തിന് സമീപത്തുവച്ചാണ് പിടികൂടിയത്. പ്രതിയെ റിമാൻ‌ഡ് ചെയ്തു.