വാർഷിക പൊതുയോഗവും ഭരണസമിതി തിരഞ്ഞെടുപ്പും

കാരേറ്റ്: കേരള വ്യാപാരി വ്യവസായി ഏകോപന സമിതി കാരേറ്റ് യൂണിറ്റിന്റെ 32-ാമത് വാർഷിക പൊതുയോഗവും ഭരണസമിതി തിരഞ്ഞെടുപ്പും ശനിയാഴ്ച രാവിലെ 8.30ന് കാരേറ്റ് ആർ.കെ. വി ഓഡിറ്റോറിയത്തിൽ നടക്കും.ജില്ലാ പ്രസിഡന്റ് ധനീഷ് ചന്ദ്രൻ ഉദ്ഘാടനം ചെയ്യും. യൂണിറ്റ് പ്രസിഡന്റ് സന്തോഷ് കുറ്റൂർ അദ്ധ്യക്ഷത വഹിക്കും.ബാല മോഹനൻ നായർ സ്വാഗതം പറയും.സംസ്ഥാന സെക്രട്ടറി വൈ.വിജയൻ കുടുംബ സുരക്ഷാ ഫണ്ട് വിതരണം ചെയ്യും.യൂണിറ്റ് ജനറൽ സെക്രട്ടറി വർണ്ണം ബൈജു റിപ്പോർട്ട് അവതരിപ്പിക്കും.യൂണിറ്റ് ട്രഷറർ ഷിബുരാജ് കണക്ക് അവതരിപ്പിക്കും.ജില്ലാ ജനറൽ സെക്രട്ടറി ജോഷി ബസു മുഖ്യപ്രഭാഷണം നടത്തും.