ചിന്നക്കനാലിൽ ഒരു കുടുംബത്തിലെ മൂന്ന് പേർ തൂങ്ങി മരിച്ചു

ഇടുക്കി: ചിന്നക്കനാൽ ചെമ്പകത്തൊഴു ആദിവാസിക്കുടിയിൽ ഒരു കുടുംബത്തിലെ മൂന്ന് പേർ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. രാമകൃഷ്ണൻ (32), ഭാര്യ രജനി (30), മകൾ ആറാം ക്ലാസ് വിദ്യാർത്ഥിനി ശരണ്യ (12) എന്നിവരെയാണ് കയറിൽ തൂങ്ങി മരിച്ച നിലയിൽ കണ്ടെത്തിയത്. മരണകാരണം വ്യക്തമല്ല. തമിഴ്‌നാട് സ്വദേശിയായ രാമകൃഷ്ണൻ 15 വർഷമായി സൂര്യനെല്ലി ടൗണിൽ ആട്ടോ ഇലക്ട്രിക്കൽ കട നടത്തുകയാണ്. ഇന്നലെ വൈകിട്ട് ഇവരുടെ വീട്ടിലെത്തിയ കുടിയിലെ ആളുകൾ വീടിനുള്ളിലെ ഒരു മുറിയിൽ ശരണ്യയും അടുത്ത മുറിയിൽ രാമകൃഷ്ണനും രജനിയും ഒറ്റ കയറിലും തൂങ്ങി നിൽക്കുന്നതാണ് കണ്ടത്. ശാന്തമ്പാറ പൊലീസ് സ്ഥലത്തെത്തി അന്വേഷണം ആരംഭിച്ചു.