സെൻസെക്‌സും നിഫ്‌റ്റിയും റെക്കാഡ് ഉയരത്തിൽ

കൊച്ചി: സെൻസെക്‌സും നിഫ്‌റ്റിയും ഇന്നലെ റെക്കാഡ് ഉയരത്തിൽ വ്യാപാരം പൂർത്തിയാക്കി. ഇറാൻ-അമേരിക്ക സംഘർഷം അയയ്‌ഞ്ഞതും അമേരിക്ക-ചൈന വ്യാപാരയുദ്ധം ഒഴിവാകുന്നുവെന്ന സൂചനയുമാണ് ഓഹരികൾക്ക് നേട്ടമായത്. സെൻസെക്‌സ് 92 പോയിന്റ് ഉയർന്ന് 41,​952ലും നിഫ്‌‌റ്റി 32 പോയിന്റുയർന്ന് 12,​362ലുമാണ് വ്യാപാരാന്ത്യമുള്ളത്.

എച്ച്.ഡി.എഫ്.സി.,​ ടി.സി.എസ്.,​ ഐ.ടി.സി.,​ ആക്‌സിസ് ബാങ്ക്,​ ഇൻഫോസിസ്,​ ഹിന്ദുസ്ഥാൻ യൂണിലിവർ എന്നിവയാണ് നേട്ടമുണ്ടാക്കിയ പ്രമുഖ ഓഹരികൾ. അതേസമയം റിലയൻസ് ഇൻഡസ്‌ട്രീസ്,​ എസ്.ബി.ഐ.,​ ഇൻഡസ് ഇൻഡ് ബാങ്ക്,​ കോട്ടക് മഹീന്ദ്ര ബാങ്ക്,​ ഐ.സി.ഐ.സി.ഐ ബാങ്ക്,​ ഒ.എൻ.ജി.സി എന്നിവ നഷ്‌ടം നേരിട്ടു. ഇന്ത്യൻ റുപ്പി ഇന്നലെ ഒരുപൈസ നഷ്‌ടവുമായി 70.87ലാണ് വ്യാപാരം അവസാനിപ്പിച്ചത്.