വേജ് കോഡ് തൊഴിലാളികളെ അടിമകളാക്കും: തമ്പാൻ തോമസ്

തിരുവനന്തപുരം: കേന്ദ്ര സർക്കാർ കൊണ്ടുവന്ന വേജ് കോഡ് തൊഴിലാളികളെ അടിമകളാക്കുന്നതാണെന്ന് എച്ച്.എം.എസ് സംസ്ഥാന പ്രസി‌ഡന്റ് തമ്പാൻ തോമസ് പറഞ്ഞു. തൊഴിലാളികൾക്ക് ലഭിച്ചുകൊണ്ടിരുന്ന ആനുകൂല്യങ്ങളും സംരക്ഷണവും വേജ് കോ‌ഡ് വരുന്നതോടെ നഷ്ടമാകുമെന്നും അദ്ദേഹം പറഞ്ഞു. നോൺ ജേർണലിസ്റ്റ്സ് പെൻഷണേഴ്സ് യൂണിയൻ (കേരള)​ സംസ്ഥാന സമ്മേളനത്തോടനുബന്ധിച്ച് പ്രസ് ക്ളബിൽ നടന്ന വേജ് കോഡ് വെല്ലുവിളിയോ എന്ന സെമിനാർ ഉദ്ഘാടനം ചെയ്യുകയായിരുന്നു തമ്പാൻ തോമസ്.

തൊഴിലാളികളെ അടിമകളാക്കുന്ന ഈ സമ്പ്രദായം കോർപറേറ്റുകൾക്ക് വേണ്ടിയുള്ളതാണ്.

എൻ.ജെ.പി.യു സംസ്ഥാന പ്രസിഡന്റ് പി.ദിനകരൻ അദ്ധ്യക്ഷനായി. സി.ഐ.ടി.യു സംസ്ഥാന പ്രസിഡ‌ന്റ് ആനത്തലവട്ടം ആനന്ദൻ വിഷയം അവതരിപ്പിച്ചു. ബി.എം.എസ് സംസ്ഥാന അദ്ധ്യക്ഷൻ കെ.കെ.വിജയ​കുമാർ,​ കെ.യു.ഡബ്ല്യു.ജെ കെ.പി.റെജി,​ കെ.എൻ.ഇ.എഫ് സംസ്ഥാന സെക്രട്ടറി സി.മോഹനൻ തുടങ്ങിയവർ പങ്കെടുത്തു. എൻ.ജെ.പി.യു സംസ്ഥാന ജനറൽ സെക്രട്ടറി വി.ബാലഗോപാൽ സ്വാഗതവും വൈസ് പ്രസിഡന്റ് കെ.എൻ.ലതാനാഥൻ നന്ദിയും പറഞ്ഞു.