നേവിക്ക് ഐ.ഒ.സിയുടെ ഹൈ ഫ്ളാഷ് ഡീസൽ

ചെന്നൈ: ഇന്ത്യൻ നേവിക്കായി ഇന്ത്യൻ ഓയിൽ കോർപ്പറേഷൻ വികസിപ്പിച്ച ലോകോത്തര ഹൈഫ്ളാഷ് ഹൈ സ്‌പീഡ് ഡീസൽ (എച്ച്.എഫ്.എച്ച്.എസ്.ഡി)​ വൈസ് അഡ്‌മിറൽ ജി.എസ്. പാബ്ബി അവതരിപ്പിച്ചു. ഇന്ത്യൻ ഓയിൽ ആർ ആൻഡ് ഡി ഡയറക്‌ടർ ഡോ.എസ്.എസ്.വി രാമകുമാർ,​ ഇന്ത്യൻ ഓയിൽ റിഫൈനറീസ് ഡയറക്‌ടർ എസ്.എം. വൈദ്യ എന്നിവർ സംബന്ധിച്ചു.

ഇന്ത്യൻ നാവിക കപ്പലുകൾക്ക് മാത്രമാണ് ഐ.ഒ.സി എച്ച്.എഫ്.എച്ച്.എസ്.ഡി - ഐ.എൻ512 ഇന്ധനം ലഭ്യമാക്കുന്നത്. നിലവിലെ ഗുണനിലവാര മാനദണ്ഡമായ എം.ഐ.എൽ.ഡി.ടി.എ. 16844 എമ്മിനെ മറികടക്കുന്നതാണ് പുതിയ ഡീസൽ. സൾഫറിന്റെ അംശം കുറവാണെന്നത് ഈ ഇന്ധനത്തെ പ്രകൃതി സൗഹാർദ്ദവുമാക്കുന്നു. പാരദ്വീപ്,​ ഹാൽദിയ റിഫൈനറികളിൽ നിന്നാണ് പുതിയ ഇന്ധനം ലഭ്യമാക്കുന്നത്.