ബാറുകൾ വഴി മദ്യം: റവന്യു നഷ്ടം ഉണ്ടാവില്ലെന്ന്

തിരുവനന്തപുരം:ബാറുകൾ വഴി പാഴ്സലായി മദ്യം നൽകുന്നതിലൂടെ സർക്കാരിന് റവന്യു നഷ്ടം ഉണ്ടാവില്ലന്ന് ബിവറേജസ് കോർപറേഷൻ അറിയിച്ചു. കോർപറേഷന്റെ വെയർഹൗസിൽ നിന്ന് കൺസ്യൂമർഫെഡ്, ബാർ, ബിയർ/വൈൻ പാർലർ കൂടാതെ മറ്റു ലൈസൻസികൾക്കും മദ്യം നൽകുന്നത് കോർപറേഷൻ നിശ്ചയിച്ചിട്ടുള്ള ഹോൾസെയിൽ വിലയ്ക്കാണ്. അതേ രീതിയിൽ തന്നെയായിരിക്കും ഇപ്പോഴും ബാറുകൾക്കു മദ്യം നൽകുക. വില്പന നികുതിയും ഉൾപ്പെടുത്തിയായിരിക്കും വില ഈടാക്കുക.