വി. ഡി. സതീശനെതിരെ വനിതാ കമ്മിഷൻ കേസെടുത്തു

കൊച്ചി: സമൂഹ മാദ്ധ്യമത്തിലൂടെ തന്നെയും കുടുംബത്തെയും അപകീർത്തിപ്പെടുത്തിയെന്ന യുവതിയുടെ പരാതിയിൽ വി.ഡി. സതീശൻ എം.എൽ.എയ്ക്കെതിരെ വനിതാ കമ്മിഷൻ കേസെടുത്തു. ആലുവ റൂറൽ പൊലീസ് സൂപ്രണ്ടിനോട് അന്വേഷണ റിപ്പോർട്ട് ആവശ്യപ്പെട്ടതായും ചെയർപേഴ്സൺ​ എം.സി ജോസഫൈൻ അറിയിച്ചു.

എം.എൽ.എയുടെ ഔദ്യോഗിക ഫേസ്‌ബുക്ക് പ്രൊഫൈലിൽ വന്ന അപകീർത്തികരമായ പരാമർശങ്ങളുമായി ബന്ധപ്പെട്ട വിവാദങ്ങളാണ് കേസിൽ കലാശിച്ചത്.