ട്രോളിംഗ് വന്നാൽ മുഴുപ്പട്ടിണി

 നിരോധനം ജൂലായിൽ 15 ദിവസമായി ചുരുക്കണമെന്ന് ആവശ്യം

കൊല്ലം: കൊ​വി​ഡ് കാ​ല​ത്ത് ക​ഞ്ഞി​വ​യ്​ക്കാ​നെ​ങ്കി​ലും സർ​ക്കാർ അ​രി ത​ന്നു, എ​ന്നാൽ ട്രോ​ളിം​ഗ് നി​രോ​ധ​നം വ​രു​ന്ന​തോ​ടെ ഉ​ള്ള ക​ഞ്ഞി​കു​ടി​കൂ​ടി മു​ട്ടും. സർ​ക്കാ​രെ ച​തി​ക്ക​ല്ലേ, ഇ​ക്കു​റി ട്രോ​ളിം​ഗ് നി​രോ​ധ​നം വേ​ണ്ടെ​ന്നാ​ണ് മ​ത്സ്യ​ത്തൊ​ഴി​ലാ​ളി​ക​ളിൽ ഭൂ​രി​പ​ക്ഷ​ത്തി​ന്റെ​യും അ​ഭി​പ്രാ​യം. ര​ണ്ടു​മാ​സ​മാ​യി ലോ​ക്ക് ഡൗ​ണിൽ വ​ലി​യ ബോ​ട്ടു​കൾ​ക്ക് മ​ത്സ്യ​ബ​ന്ധ​ത്തി​നു​ള്ള നി​യ​ന്ത്ര​ണം തു​ട​രു​ക​യാ​ണ്. 31നു​ള്ളിൽ കൊ​വി​ഡ് നി​യ​ന്ത്ര​ണ​വി​ധേ​യ​മാ​യെ​ങ്കിൽ മാ​ത്ര​മേ ലോ​ക്ക് ഡൗൺ പിൻ​വ​ലി​ക്കൂ. ജൂൺ 9ന് അർ​ദ്ധ​രാ​ത്രി​യോ​ടെ​യാ​ണ് 52 ദി​വ​സ​ത്തെ ട്രോ​ളിം​ഗ് നി​രോ​ധ​നം ആ​രം​ഭി​ക്കു​ക. ഇ​തി​നി​ട​യിൽ വി​ര​ലി​ലെ​ണ്ണാ​വു​ന്ന ദി​വ​സം മാ​ത്ര​മേ മ​ത്സ്യ​ബ​ന്ധ​ന​ത്തി​ന് ല​ഭി​ക്കൂ. ഇ​നി ട്രോ​ളിം​ഗ് കൂ​ടി വ​ന്നാൽ ആ​യി​ര​ക്ക​ണ​ക്കിന് മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങൾ മു​ഴു​പ്പ​ണി​യി​ലാ​കും.

കൊല്ലത്ത് നീണ്ടകര, വാടി, പള്ളിത്തോട്ടം, ആയിരംതെങ്ങ്, ആലപ്പാട് തുടങ്ങിയ സ്ഥലങ്ങളിലായി മത്സ്യ ബന്ധനം ഉപജീവനമാർഗമാക്കിയ ഒരു ലക്ഷത്തിലേറെപ്പേരുണ്ട്. ഇതിൽ കാൽ ലക്ഷത്തോളം പേർ പരമ്പരാഗത മത്സ്യത്തൊഴിലാളികളാണ്. ബാക്കി വലിയ ബോട്ടുകളിൽ മത്സ്യബന്ധനത്തിന് പോകുന്നവരും.

മുൻ വർഷങ്ങളിൽ ട്രോളിംഗ് നിരോധനത്തിന് മൂന്ന് മാസം മുമ്പേ മത്സ്യത്തൊഴിലാളി കുടുംബങ്ങൾ വറുതിക്കാലത്തേക്കായി എല്ലാം കരുതി വയ്ക്കാറുണ്ട്. എന്നാൽ ഇക്കുറി ഒന്നും കരുതിവയ്ക്കാനായില്ല. രണ്ടുമാസമായി തൊഴിലില്ലാത്തതിനാൽ നിരോധന കാലയളവിൽ എങ്ങനെ കഴിയുമെന്നാണ് തൊഴിലാളികൾ ചോദിക്കുന്നത്. കൊവിഡ് കാലത്ത് മത്സ്യബന്ധനം നിറുത്തിവച്ച സമയം ട്രോളിംഗ് നിരോധന കാലമായി കണക്കാക്കണമെന്നതാണ് ഇവരുടെ ആവശ്യം. മത്സ്യ പ്രജനനം മൺസൂൺ കാലത്ത് മാത്രമാണ് നടക്കുന്നതെന്ന വാദം ഒരിക്കലും ശരിയല്ലെന്നും തൊഴിലാളികൾ വാദിക്കുന്നു.

മത്സ്യത്തൊഴിലാളികൾ: 1 ലക്ഷം

പരമ്പരാഗത തൊഴിലാളികൾ: കാൽ ലക്ഷം

'' കൊവിഡ് സഹായമായി സർക്കാർ പ്രഖ്യാപിച്ച 2,​000 രൂപ മത്സ്യത്തൊഴിലാളികളിൽ നല്ലൊരു വിഭാഗത്തിനും കിട്ടിയിട്ടില്ല. അതിനാൽ ഇക്കുറി നിരോധനം വേണ്ടെന്ന് വയ്ക്കണം. നിർബന്ധമെങ്കിൽ ജൂലായിൽ 15 ദിവസം മാത്രമായി ചുരുക്കണം.

മത്സ്യത്തൊഴിലാളികൾ