ആപ്പിന് അനുമതി കിട്ടിയാലുടൻ മദ്യം

തിരുവനന്തപുരം: വെർച്വൽ ക്യൂ സംവിധാനം ഒരുക്കുന്നതിന്റെ ഭാഗമായി ബിവറേജസ് കോർപറേഷൻ ഇന്നലെ മാർഗനിർദ്ദേശങ്ങൾ പുറപ്പെടുവിച്ചു. ബെവ്- ക്യൂ ആപ്പിന് പ്ളേ സ്റ്റോറിന്റെയും ആപ്പ് സ്റ്റോറിന്റെയും അനുമതി ലഭിച്ചാലുടൻ ടോക്കൺ സംവിധാനത്തിലൂടെ മദ്യവിതരണം ആരംഭിക്കുമെന്ന് ബെവ്കോ എം.ഡി സ്‌പർജൻകുമാർ പറഞ്ഞു.

മാർഗനിർദ്ദേശങ്ങൾ ഇങ്ങനെ:

 ഒരാൾക്ക് 3 ലിറ്റർ മദ്യം. അഞ്ചാം ദിവസം വീണ്ടും വാങ്ങാം

 വില്പന രാവിലെ 9 മുതൽ വൈകിട്ട് 5 വരെ

 ഇ ടോക്കൺ, എസ്.എം.എസ് വഴി ക്യൂ നിയന്ത്രിക്കും

 ഒരുസമയം അഞ്ചു പേർക്ക് മാത്രം ഔട്ട്‌‌‌ലെറ്റിൽ പ്രവേശനം

 ടോക്കണിൽ പറയുന്ന സമയത്തെത്തി പണമടച്ച് മദ്യം വാങ്ങാം

 മൊബൈൽ ആപ്പ് വഴി ടോക്കണിന്റെ സാധുത പരിശോധിക്കും

 നിർദ്ദേശം ബാർ, ബിയർ,​ വൈൻ പാർലറുകൾക്കും ബാധകം

 ബെവ്കോയുടെ ചില്ലറ വില്പന വില ഇവർക്കും ബാധകം