പിഞ്ചുകുഞ്ഞുങ്ങൾക്ക് രോഗപ്രതിരോധശേഷി ഉണ്ടാകാൻ ചാണകത്തിൽ ഉരുട്ടിയെടുക്കുന്നൊരു സ്ഥലമുണ്ട‌് ഇന്ത്യയിലെന്നറിയാമോ?

കുഞ്ഞുങ്ങൾക്ക് ആരോഗ്യവും രോഗങ്ങളിൽ നിന്ന് രക്ഷയും ഉറപ്പാക്കുന്നതിന് ചാണകത്തിൽ കിടത്തി ഗോവർധൻ പൂജ. മദ്ധ്യപ്രദേശിലെ ബേതുൽ ഗ്രാമത്തിലാണ് വിചിത്രമായ ഈ ആചാരം. ദീപാവലി ആഘോഷങ്ങളുടെ രണ്ടാം ദിവസമാണ് ഈ പൂജ നടക്കുന്നത്. പൂക്കൾ കൊണ്ട് അലങ്കരിച്ച ചാണക കൂമ്പാരത്തിൽ കുഞ്ഞുങ്ങളെ ഇരുത്തും. കുഞ്ഞുങ്ങളെ ചാണകത്തിൽ ഉരുട്ടിയെടുക്കുന്നവരും കുറവല്ല. നൂറ്റാണ്ടുകളായി തുടരുന്ന ഈ ആചാരത്തിലൂടെ കുഞ്ഞുങ്ങൾക്ക് ആരോഗ്യവും രോഗപ്രതിരോധശേഷിയും കൈവരുന്നുവെന്നാണ് ഗ്രാമവാസികളുടെ വിശ്വാസം. ഇതിലൂടെ കുഞ്ഞുങ്ങൾക്ക് ഭാഗ്യം കൈവരുമെന്ന് വിശ്വസിക്കുന്നവരുമുണ്ട്. കൈക്കുഞ്ഞുങ്ങൾ മുതൽ എട്ടൊൻപത് വയസ് പ്രായമുള്ള കുട്ടികളെ വരെ ഗോവർധന്‍ പൂജയിൽ പങ്കെടുപ്പിക്കാറുണ്ടെന്നാണ് റിപ്പോർട്ട്.