'നാം അതിജീവിക്കും', ലോക്ക് ഡൗണ്‍ കാലത്തെ കാണാകാഴ്ച്ചകളുമായി ഭരത് ബാലയുടെ ഡോക്യുമെന്ററി, ട്രെയിലർ
Thursday 04 June 2020 6:10 PM IST
ലോക്ക് ഡൗൺ കാലത്തെക്കുറിച്ച് സംവിധായകൻ ഭരത് ബാലയും സംഘവും ഡോക്യുമെന്ററി ഒരുക്കുന്നു. 'നാം അതിജീവിക്കും' എന്ന പേരിലാണ് ഡോക്യുമെന്ററി ഒരുങ്ങുന്നത്. ജൂൺ ആറിനാണ് ഡോക്യുമെന്ററി റിലീസ് ചെയ്യുക. മാ‍ര്‍ച്ച് 24 മുതലുള്ള ലോക്ക് ഡൗൺ കാലമാണ് ഡോക്യുമെന്‍ററിയിൽ പറയുന്നത്. പതിനഞ്ച് സംഘങ്ങളായി തിരിഞ്ഞ് രാജ്യത്തെ കാശ്മീ‍ര്‍ മുതൽ കേരളം വരെയുള്ള സംസ്ഥാനങ്ങളിലെ ലോക്ക് ഡൗൺ കാഴ്ചയാണ് സംഘം പകർത്തിയിരിക്കുന്നത്. സ്റ്റുഡിയോ വിര്‍ച്വല്‍ ഭാരത് ആണ് നിര്‍മിച്ചിരിക്കുന്നത്.