സമ്പൂർണ ലോ‌ക്ക്ഡൗൺ: ഞായറാഴ്ച വിദ്യാർത്ഥികൾക്കും ഭക്തർക്കും ഇളവ്

തിരുവനന്തപുരം: ഞായറാഴ്ചകളിലെ സമ്പൂർണ ലോക്ക് ഡൗണിൽ വിദ്യാർത്ഥികൾക്കും ആരാധനാലയങ്ങളിൽ പോകുന്നവർക്കും യാത്രാ ഇളവനുവദിച്ചു. വീടുകളിൽ നിന്ന് ആരാധനാലയങ്ങളിലേക്കും തിരിച്ചും പോകുന്ന ഭക്തർ, പരീക്ഷയെഴുതാൻ പോകുന്ന വിദ്യാർത്ഥികൾ, പരീക്ഷാ നടത്തിപ്പ് ചുമതലയുള്ളവർ, മെഡിക്കൽ, ഡെന്റൽ കോളേജുകളിലും മ​റ്റ് വിദ്യാഭ്യാസസ്ഥാപനങ്ങളിലും പ്രവേശനം നേടാൻ പോകുന്നവ‌ർ എന്നിവർക്കാണ് ഇളവുള്ളത്. പരീക്ഷയെഴുതാനുള്ളവർ അഡ്‌മിറ്റ് കാർഡും പരീക്ഷാ നടത്തിപ്പിന് പോകുന്നവർ തിരിച്ചറിയൽ കാർഡും കരുതണം.അലോട്ട്‌മെന്റ് ലഭിച്ച വിദ്യാഭ്യാസസ്ഥാപനങ്ങളിൽ പ്രവേശനത്തിന് പോകുന്നവർ അലോട്ട്‌മെന്റ് മെമ്മോ കരുതണം.

21ന് എം.ബി.എ പ്രവേശന പരീക്ഷയായ കെ-മാ​റ്റ് നടത്തും. 7000 വിദ്യാർത്ഥികളാണ് ഈ പരീക്ഷ എഴുതുന്നത്.