ദമ്പതികൾ സഞ്ചരിച്ച സ്കൂട്ടറിൽ കാറിടിച്ച് ഭാര്യ മരിച്ചു

ചാ​ത്ത​ന്നൂർ: ദമ്പതികൾ സഞ്ചരിച്ച സ്കൂട്ടറിൽ കാറിടിച്ച് ഭാര്യ മരിച്ചു. ഭർത്താവിനെ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇ​ട​നാ​ട് ച​രു​വി​ള പു​ത്തൻ വീ​ട്ടിൽ ബി​ജുവിന്റെ ഭാര്യ ഷേർ​ളി ബി​ജുവാണ് (39) മ​രി​ച്ച​ത്. ഇന്നലെ ഉ​ച്ച​യ്​ക്ക് 12 ഓടെ ദേശീയപാതയിൽ ചാ​ത്ത​ന്നൂർ പെ​ട്രോൾ പ​മ്പി​ന് സ​മീ​പ​ത്തെ എസ്.ബി.ടിക്ക് മു​ന്നി​ലാ​യി​രു​ന്നു അ​പ​ക​ടം. ബാ​ങ്കിൽ നിന്നും ഇറങ്ങയ ഇരുവരും തിരുമുക്കി​ലേ​ക്ക് പോ​കാൻ റോ​ഡ് മുറിച്ചുക​ട​ക്കവേ ചാ​ത്ത​ന്നൂ​രി​ലേ​ക്ക് പോവുകയായിരുന്ന കാർ സ്കൂ​ട്ട​റിൽ ഇ​ടി​ക്കു​ക​യാ​യി​രു​ന്നു. സ്കൂട്ടറിന് പിന്നിലിരുന്ന ​ഷേർ​ളി റോ​ഡി​ലേ​ക്ക് തെ​റി​ച്ചു വീ​ണു. ക​ളി​യാ​കു​ളം സ്വ​ദേ​ശി​ക​ളാ​യ യു​വാ​ക്ക​ളാ​ണ് കാ​റിലു​ണ്ടായി​രു​ന്ന​ത്. പരിക്കേറ്റ ​ഷേർ​ളിയെയും ബിജുവിനെയും നാട്ടുകാർ ആം​ബു​ലൻ​സിൽ കൊ​ട്ടി​യ​ത്തെ സ്വ​കാ​ര്യ ആ​ശു​പ​ത്രി​യിൽ എ​ത്തി​ച്ചു. ഷേർ​ളി​യു​ടെ പ​രി​ക്ക് ഗു​രു​ത​ര​മാ​യതി​നാൽ പിന്നീട് മേ​വ​റ​ത്തെ സ്വകാര്യ മെ​ഡി​ക്കൽ കോ​ളേ​ജിൽ എ​ത്തി​ച്ചെ​ങ്കി​ലും വൈ​കി​ട്ടോ​ടെ മ​രി​ച്ചു. ഗു​ജ​റാ​ത്തിൽ ജോ​ലി ചെ​യ്യുന്ന ബിജു 22 ദി​വ​സം മുൻ​പ് നാ​ട്ടി​ലെ​ത്തി​ ക്വാ​റന്റൈൻ പൂർ​ത്തി​യാ​ക്കി ക​ഴി​ഞ്ഞ ആ​ഴ്​ച​യാ​ണ് പു​റ​ത്തി​റ​ങ്ങി​യ​ത്. പാ​രി​പ്പ​ള്ളി മെ​ഡി​ക്കൽ കോ​ളേ​ജ് ആ​ശു​പ​ത്രി മോർ​ച്ച​റി​യിൽ സൂക്ഷിച്ചിരിക്കുന്ന ഷേർ​ളി​യു​ടെ മൃ​ത​ദേ​ഹം ഇന്ന് കൊ​വി​ഡ് പ​രി​ശോ​ധ​ന​യ്​ക്ക് ശേഷം തുടർ ന​ട​പ​ടി​കൾ പൂർ​ത്തി​യാ​ക്കും. മക്കൾ: മുഖത്തല സെന്റ് ജൂ​ഡ് സ്കൂ​ളിൽ പ്ല​സ്​ടു വി​ദ്യാർ​ത്ഥി​യായ ഷി​ബിൻ, എ​സ്.എ​സ്.എൽ.സി പ​രീ​ക്ഷ എ​ഴു​തിയ ഷി​ബി​യ.