സെബിയുടെ വിലക്കില്ല: വാട്ടർഹൗസ് കൂപ്പേഴ്സ്

തിരുവനന്തപുരം: സർക്കാരിന്റെ മോട്ടോർ വാഹന വകുപ്പിനായി പ്രവർത്തിക്കുന്ന തങ്ങൾക്ക് സെബിയുടെ വിലക്കില്ലെന്ന് പ്രൈസ് വാട്ടർഹൗസ് കൂപ്പേഴ്സ് പ്രൈവ​റ്റ് ലിമി​റ്റഡ് അറിയിച്ചു. ഇത് കൺസൾട്ടിംഗ് സേവനം നൽകുന്ന ലിമി​റ്റഡ് ലയബിലി​റ്റി കമ്പനിയാണ്, ഓഡി​റ്റ് സ്ഥാപനമല്ല. പ്രൈസ് വാട്ടർ ഹൗസ് ഓഡി​റ്റ് വിഭാഗത്തിന് രണ്ടു വർഷത്തേക്ക് നിരോധനം ഏർപ്പെടുത്തിയ സെബി ഉത്തരവ് 2019 സെപ്തംബറിൽ സെക്യൂരി​റ്റീസ് ആൻഡ് അപ്പലേ​റ്റ് ട്രൈബ്യൂണൽ നീക്കിയിട്ടുണ്ട്. സെബി സുപ്രീംകോടതിയെ സമീപിച്ചതിനെ തുർന്ന് വിഷയം ഇപ്പോൾ കോടതിയുടെ പരിഗണനയിലാണ്. ഇന്ത്യയിൽ സേവനം അനുഷ്ഠിക്കുന്നതിന് സ്​റ്റേ ഏർപ്പെടുത്തിയിട്ടുമില്ലെന്ന് കമ്പനി വാർത്താക്കുറിപ്പിൽ അറിയിച്ചു.