സംസ്ഥാനത്ത് ബസ് ചാർജ് കൂട്ടി; വർദ്ധനവ് കൊവിഡ് കാലത്തേക്ക് മാത്രം

തിരുവനന്തപുരം: ഒാർഡിനറി ബസിൽ മിനിമം ചാർജ് നിലവിലെ 8 രൂപയിൽ കൂട്ടാതെ, ബസ് ചാർജ്

വർദ്ധിപ്പിക്കാൻ ഗതാഗത വകുപ്പ് നൽകിയ ശുപാർശ മന്ത്രിസഭ അംഗീകരിച്ചു. വൈകാതെ നിരക്ക് വർദ്ധന നിലവിൽ വരും.

മിനിമം ചാർജിൽ സഞ്ചരിക്കാവുന്ന ദൂരം അഞ്ച് കിലോമീറ്ററിൽ (രണ്ട് ഫെയർ സ്റ്റേജ്)​ നിന്ന് രണ്ടരയായി (ഒരു ഫെയ‌ർ സ്റ്റേജ്)​ കുറയ്ക്കും.കിലോമീറ്റർ നിരക്ക് 70 പൈസയിൽ നിന്നും 90 പൈസയാക്കി വർദ്ധിപ്പിക്കും. വിദ്യാർത്ഥികളുടെ കൺസഷൻ ടിക്കറ്റ് മിനിമം നിരക്ക് ഒരു രൂപയിൽ നിന്ന് രണ്ടാക്കാൻ ധാരണയായെങ്കിലും അന്തിമ തീരുമാനം പിന്നീട് കൈക്കൊള്ളുമെന്ന് മന്ത്രി എ.കെ.ശശീന്ദ്രൻ വാർത്താ സമ്മേളനത്തിൽ പറഞ്ഞു. വിദ്യാർത്ഥികൾക്കുള്ള ടിക്കറ്റിൽ 30% വർദ്ധനയാണ് ശുപാർശ ചെയ്തിരുന്നത്.

കൊവിഡ് കാല ബസ് ചാർജ് വർദ്ധനവിനായി ഇന്നലെ ജസ്റ്റിസ് രാമചന്ദ്രൻ കമ്മിഷൻ സമർപ്പിച്ച റിപ്പോർട്ട് പരിഷ്കരിച്ചാണ് ഗതാഗത മന്ത്രി എ.കെ.ശശീന്ദ്രന്റെ അദ്ധ്യക്ഷതയിൽ കൂടിയ യോഗം വ‌ർദ്ധനയ്ക്ക് രൂപം നൽകിയത്. ഈ റിപ്പോർ‌ട്ടാണ് ഇന്ന് രാവിലെ മന്ത്രിസഭ പരിശോധിച്ച് അനുമതി നൽകിയത്. സൂപ്പർ ക്ളാസ് ബസുകളുടെ ടിക്കറ്റ് നിരക്കിൽ 25% വർദ്ധനവുണ്ടാകും.

ജസ്റ്റിസ് രാമചന്ദ്രൻ കമ്മിഷൻ റിപ്പോർട്ടിൽ ചാർജ് വർദ്ധനവിന് രണ്ട് മാർഗങ്ങളാണ് ശുപാർശ ചെയ്തിരുന്നത്. ആദ്യത്തേതിൽ മിനിമം നിരക്ക് 12 രൂപ, കിലോമീറ്ററിന് 30% വ‌ർദ്ധന,​ കിലോമീറ്റർ നിരക്ക് 90 പൈസ, കിലോമീറ്ററിന് 30% വ‌ർദ്ധന . രണ്ടാമത്തേതിൽ മിനിമം നിരക്ക് 10 രൂപ., കിലോമീറ്റർ നിരക്ക് 1.10 രൂപ.. 50 % വ‌ർദ്ധ. വിദ്യാർത്ഥികളുടെ മിനിമം നിരക്ക് 5 രൂപയാക്കണമെന്നും, നിരക്കിൽ 50% വ‌ർദ്ധനവ് വേണമെന്നുമായിരുന്നു ശുപാർശ.

കൊവിഡ് ബാധയെ തുടർന്ന് യാത്രക്കാർ കുറ‌ഞ്ഞതും ,ബസിൽ നിന്നുള്ള യാത്ര വിലക്കിയതും , ഡീസൽ വിലയിലെ വൻ വർദ്ധനയുമാണ് ബസ് ചാർജ് വ‌ർദ്ധനയ്ക്ക് കാരണമായത്.

ഒാർഡിനറിയിലെ

വർദ്ധന -രൂപയിൽ​

(നിലവിൽ - പുതിയത്)

8 --- 8 (ഒന്നാം ഫെയർ സ്റ്റേജ്)

8 --- 10 ​( രണ്ടാം ഫെയർ സ്റ്റേജ്)

10 --- 13

12 --- 15

13 --- 17

15 --- 19

16 --- 22

18 --- 24

20 --- 25

24 ---- 28

26 ---- 33

29 --- 37

31 ---- 39

33 ---- 42