ഇക്കൊല്ലം രഞ്ജിയും മുഷ്താഖും മാത്രം

മുംബയ് : കൊവിഡ് സാഹചര്യം പരിഗണിച്ച് ഇത്തവണ ആഭ്യന്തര സീസണിൽ രഞ്ജി ട്രോഫിയും മുഷ്താഖ് അലി ട്രോഫി ട്വന്റി-20 ടൂർണമെന്റും മാത്രം നടത്തിയാൽ മതിയെന്ന് ഇന്ത്യൻ ക്രിക്കറ്റ് കൺട്രോൾ ബോർഡ് തീരുമാനിച്ചു. ദുലീപ് ട്രോഫി, ദിയോധർ ട്രോഫി,ചലഞ്ചർ ട്രോഫി, വിജയ് ഹസാരെ ട്രോഫി തുടങ്ങിയവ ഒഴിവാക്കും. സാധാരണഗതിയിൽ സെപ്തംബറിൽ തുടങ്ങേണ്ട ആഭ്യന്തര സീസൺ ഇക്കുറി ഐ.പി.എൽ കഴിഞ്ഞ ശേഷമാവും തുടങ്ങുക.