ഡിജി​റ്റൽ എക്സലൻസ് അവാർഡ് പൊലീസിന് സമ്മാനിച്ചു

തിരുവനന്തപുരം: ഇക്കൊല്ലത്തെ ഡിജി​റ്റൽ ടെക്‌നോളജി സഭ എക്സലൻസ് അവാർഡ് സംസ്ഥാന പൊലീസ് മേധാവി ലോക്നാഥ് ബെഹ്റ ഏ​റ്റുവാങ്ങി. ഇൻഫോസിസ് സെന്റർ ഹെഡും ജിടെക് ചെയർമാനുമായ സുനിൽ ജോസ് ആണ് അവാർഡ് സമ്മാനിച്ചത്. എ.ഡി.ജി.പി മനോജ് എബ്രഹാമും ചടങ്ങിൽ സംബന്ധിച്ചു. ആധുനിക സാങ്കേതിക വിദ്യകൾ ഫലപ്രദമായി ഉപയോഗിക്കുന്നതിനാണ് ബഹുമതി. സോഷ്യൽ മീഡിയ ഇടപെടലുകൾ, കൊവിഡിന് എതിരെയുള്ള പൊലീസിന്റെ ഡിജി​റ്റൽ നടപടികൾ എന്നിവ ഉൾപ്പെടെയാണ് പൊലീസിനെ അവാർഡിന് അർഹമാക്കിയത്. ഡിജി​റ്റൽ മേഖലയിലെ പ്രവർത്തനങ്ങൾക്ക് ഏഴ് വർഷത്തിനിടെ കേരളാ പൊലീസിന് ലഭിക്കുന്ന 23ാമത്തെ അവാർഡാണിത്.