സ്വർണവില പവന് 400 രൂപ കൂടി

കൊച്ചി: അന്താരാഷ്‌ട്ര വിപണിയുടെ ചുവടുപിടിച്ച് സംസ്ഥാനത്ത് സ്വർണവില ഇന്നലെ ഉയർന്നു. 400 രൂപ വർദ്ധിച്ച് 37,​200 രൂപയാണ് പവൻ വില. 50 രൂപ ഉയർന്ന് ഗ്രാം വില 4,​650 രൂപയിലുമെത്തി. ഔൺസിന് 1,​861 ഡോളറായിരുന്ന അന്താരാഷ്‌ട്ര വില​ 1,​882 ഡോളറിലേക്ക് ഉയർന്നത് കേരളത്തിലും പ്രതിഫലിക്കുകയായിരുന്നു.

രൂക്ഷമാകുന്ന കൊവിഡ് പ്രതിസന്ധി,​ അമേരിക്കയിലെ തിരഞ്ഞെടുപ്പ് ചൂടുമൂലം ഓഹരി വിപണി നേരിടുന്ന അസ്ഥിരത എന്നിവയാണ് സ്വർണത്തിന് കുതിപ്പാകുന്നത്. ആഗസ്‌റ്റ് ഏഴിന് പവൻ കുറിച്ച 42,​000 രൂപയാണ് കേരളത്തിലെ റെക്കാഡ്. അന്ന് ഗ്രാമിന് 5,​250 രൂപയായിരുന്നു.