സൂക്ഷ​മ​പ​രി​ശോ​ധന

തിരുവനന്തപുരം: 2020 സെപ്തം​ബർ 30​, ഒക്‌ടോ​ബർ ഒന്ന്, രണ്ട് തീയ​തി​ക​ളി​ലായി പ്രസി​ദ്ധീ​ക​രിച്ച ബികോം ആന്വൽ സ്‌കീം, ബികോം കംപ്യൂ​ട്ടർ ആപ്ലി​ക്കേ​ഷൻസ് 3 മെയിൻ സിസ്റ്റം, ബികോം എസ്.​ഡി.ഇ അഞ്ച്, ആറ് സെമ​സ്റ്റ​റു​ക​ളുടെ പരീ​ക്ഷാ​ഫ​ല​ത്തിന്റെ പുനർമൂ​ല്യ​നിർണ​യ​ത്തിനും സൂക്ഷ​മ​പ​രി​ശോ​ധ​നയ്ക്കും വരുന്ന 23 വരെ അപേ​ക്ഷി​ക്കാം.

2019 സെപ്തം​ബറിൽ നടത്തിയ എട്ടാം സെമ​സ്റ്റർ ഇന്റ​ഗ്രേ​റ്റഡ് എൽ.​എൽ.ബി പരീ​ക്ഷ​യുടെ സൂക്ഷ​മ​പ​രി​ശോ​ധ​നയ്ക്ക് ഹാജ​രാ​കാത്തവർ ഫോട്ടോ പതിച്ച ഐ.​ഡി.​കാർഡും ഹാൾടി​ക്ക​റ്റു​മായി റി വാല്യു​വേ​ഷൻ സെക്ഷ​നിൽ ഇന്നും നാളെയുമായി ഹാജ​രാ​കണം.

പരീക്ഷാ ഫീസ്

ഒന്നാം സെമ​സ്റ്റർ എം.​എഡ്ഡ് (2015 സ്‌കീം സപ്ലി​മെന്റ​റി) ഡിഗ്രി പരീ​ക്ഷയ്ക്ക് പിഴ​കൂ​ടാതെ നാളെയും 150​രൂപ പിഴ​യോ​ടി​കൂടി 23​ വരെയും അപേ​ക്ഷി​ക്കാം. വിശ​ദ​വി​വ​ര​ങ്ങൾ വെബ്‌സൈ​റ്റിൽ.

ക്ലാസു​കൾ ആരം​ഭിക്കാം

കേര​ള​ സർവ​ക​ലാ​ശാ​ലയുമായി​ അഫി​ലി​യേറ്റ് ചെയ്തി​ട്ടുള്ള എയ്ഡ​ഡ്, അൺ​എ​യ്ഡഡ് കോളേ​ജു​ക​ളിൽ സി.​ബി.​സി.​എസ് സെമ​സ്റ്റർ 4, 6 പ്രോഗ്രാ​മു​ക​ളുടെ ക്ലാസു​കൾ 21 മുതൽ കൊവിഡ് മാന​ദ​ണ്ഡം പാലിച്ച് ആരം​ഭി​ക്കാം.

പരീക്ഷാ തീയതി

ബാച്ചി​ലർ ഓഫ് ഹോട്ടൽ മാനേ​ജ്‌മെന്റ് ആന്റ് കാറ്റ​റിംഗ് ടെക്‌നോ​ളജി കോഴ്സിന്റെ (ബി.​എ​ച്ച്.​എം.​സി.​റ്റി) മൂന്നാം സെമസ്റ്റർ (ജൂൺ 2020) പ്രാക്ടി​ക്കൽ പരീ​ക്ഷ​കൾ വരുന്ന 22,23,27,28 തീയ​തി​ക​ളിലും ഒന്നാം സെമ​സ്റ്റർ പ്രാക്ടി​ക്കൽ പരീ​ക്ഷ​കൾ നവം​ബർ 2 മുതൽ 6 വരെയും അതാത് കേന്ദ്ര​ങ്ങ​ളിൽ നടത്തും. വിശ​ദ​വി​വ​രം വെബ്‌സൈ​റ്റിൽ.

യൂണി​വേ​ഴ്സിറ്റി കോളേജ് ഓഫ് എൻജി​നീ​യ​റിംഗ് കാര്യ​വ​ട്ടത്തെ 2013 സ്‌കീമിലെ 2015, 2016, 2017 അഡ്മി​ഷൻ വിദ്യാർത്ഥി​ക​ളുടെ മൂന്നാം സെമ​സ്റ്റർ ബി.​ടെക്ക് സപ്ലി​മെന്ററി ഏപ്രിൽ 2020 പരീ​ക്ഷ​യുടെ നോട്ടി​ഫി​ക്കേ​ഷൻ പ്രസി​ദ്ധീ​ക​രി​ച്ചു. വിദ്യാർത്ഥി​കൾക്ക് ഇന്നു മുതൽ ഓൺലൈൻ രജി​സ്‌ട്രേ​ഷൻ ചെയ്യാം. ഫൈൻ ഇല്ലാതെ വരുന്ന 22​വരെ​യും, 150 രൂപ ഫൈനോ​ടു​കൂടി 28​ വരെയും, 400 രൂപ സൂപ്പർ ഫൈനോ​ടു​കൂടി 31 വരെയും അപേക്ഷ സമർപ്പി​ക്കാം. വിശ​ദ​വി​വ​രം വെബ്‌സൈ​റ്റിൽ.

ബിരു​ദാ​ന​ന്തരബിരുദ പ്രവേ​ശനം

സർവ​ക​ലാ​ശാ​ലയോട് അഫി​ലി​യേറ്റ് ചെയ്തിട്ടുള്ള എല്ലാ ആർട്ട്സ് ആന്റ് സയൻസ് കോളേ​ജു​ക​ളിലേയും യു.​ഐ.റ്റി കളി​ലെയും ബിരു​ദാ​ന​ന്തര ബിരുദ പ്രവേ​ശ​ന​ത്തിന് അപേ​ക്ഷി​ക്കു​ന്ന​തി​നുള്ള അവ​സാന തീയതി വരുന്ന 27ന് വൈകിട്ട് 5 വരെ നീട്ടി​.