കൊവിഡ് രോഗികൾ 4650

Sunday 21 February 2021 1:31 AM IST

തിരുവനന്തപുരം: സംസ്ഥാനത്ത് ഇന്നലെ 4650 പേർക്ക് കൊവിഡ് പോസിറ്റീവും 13 മരണങ്ങളും സ്ഥിരീകരിച്ചു. 65,968 സാമ്പിളുകളാണ് പരിശോധിച്ചത്. സമ്പർക്കത്തിലൂടെ 4253 പേർക്ക് രോഗ ബാധയേറ്റു. 295 പേരുടെ ഉറവിടം വ്യക്തമല്ല. 26 ആരോഗ്യ പ്രവർത്തകർക്കും രോഗം സ്ഥിരീകരിച്ചു. ടെസ്റ്റ് പോസിറ്റിവിറ്റി നിരക്ക് 7.05 ആണ്. 5841 പേരുടെ ഫലം നെഗറ്റീവായി. ചികിത്സയിൽ 58,606 പേരും 2,47,780 പേർ നിരീക്ഷണത്തിലും കഴിയുന്നുണ്ട്.