3254 കൊവിഡ് കേസുകൾ, ടെസ്റ്റ് പോസിറ്റിവിറ്റി നിരക്ക് 5.18 ശതമാനം

തിരുവനന്തപുരം : സംസ്ഥാനത്ത് ഇന്നലെ 3254 കൊവിഡ് കേസുകൾ കൂടി സ്ഥിരീകരിച്ചു. 2979 പേർ സമ്പർക്കരോഗികളാണ്. 166 പേരുടെ ഉറവിടം വ്യക്തമല്ല. 21 ആരോഗ്യ പ്രവർത്തകരും രോഗബാധിതരായി. കഴിഞ്ഞ 24 മണിക്കൂറിനിടെ 62,769 സാമ്പിളുകളാണ് പരിശോധിച്ചത്. 5.18 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 15 മരണങ്ങളും റിപ്പോർട്ട് ചെയ്തു. കോഴിക്കോട് 387, കോട്ടയം 363, മലപ്പുറം 354, എറണാകുളം 352, കൊല്ലം 315, പത്തനംതിട്ട 266, ആലപ്പുഴ 247, തൃശൂർ 201, കണ്ണൂർ 181, തിരുവനന്തപുരം 160, കാസർകോട് 123, ഇടുക്കി 118, വയനാട് 99, പാലക്കാട് 88 എന്നിങ്ങനെയാണ് ജില്ലകളിലെ പുതിയ കേസുകൾ. ചികിത്സയിലായിരുന്ന 4333 പേർക്ക് രോഗമുക്തി. വിവിധ ജില്ലകളിലായി 2,11,044 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 2,03,729 പേർ വീട് / ഇൻസ്റ്റിറ്റ്യൂഷണൽ ക്വാറന്റൈനിലും 7315 പേർ ആശുപത്രികളിലും നിരീക്ഷണത്തിലാണ്.

ആകെ രോഗികൾ 10,​59403

ചികിത്സയിലുള്ളവർ 49,420

രോഗമുക്തർ 10,05,497

ആകെ മരണം 4197