കണ്ണൂർ സെൻട്രൽ ജയിലിൽ 154 പേർക്ക് കൊവിഡ് : ചപ്പാത്തി യൂണിറ്റും പെട്രോൾ പമ്പും അടച്ചു

കണ്ണൂർ: കണ്ണൂർ സെൻ​ട്ര​ൽ ജ​യി​ലിൽ ഇന്നലെ 83 പേർ​ക്ക് കൂ​ടി രോ​ഗം സ്ഥി​രീ​ക​രി​ച്ചതോടെ കൊവിഡ് ബാധിതരുടെ എണ്ണം 154 ആ​യി. കൊവിഡ് വ്യാപകമായ പശ്ചാത്തലത്തിൽ ചപ്പാത്തി ഉൾപ്പടെയുള്ള ഭക്ഷ്യവസ്തുക്കൾ നിർമ്മിക്കുന്ന ഫ്രീഡം ഫുഡ് നിർമ്മാണ യൂണിറ്റും ജയിലിലെ ചപ്പാത്തി യൂണിറ്റും കണ്ണൂർ- തളിപ്പറമ്പ് ദേശീയപാതയിൽ തടവുകാർ നടത്തുന്ന പെട്രോൾ പമ്പും ഡി.ജി.പിയുടെ നിർദ്ദേശത്തെ തുടർന്ന് അടച്ചിട്ടു.

ര​ണ്ടു ദി​വ​സ​ത്തി​നു​ള്ളി​ൽ 144 ത​ട​വു​കാ​ർ​ക്കും 10 ജ​യി​ൽജീ​വ​ന​ക്കാർ​ക്കുമാണ് കൊവിഡ് സ്ഥി​രീ​ക​രി​ച്ചത്. രോ​ഗം ബാ​ധി​ച്ച ത​ട​വു​കാ​രെ ജ​യി​ലി​നു​ള്ളി​ലെ ക്വാ​റന്റൈൻ സെന്റ​റി​ലേ​ക്കാ​ണ് മാ​റ്റു​ന്ന​ത്. രോഗികളുമായി പ്രാഥമിക സമ്പർക്കമുള്ളവരെ മറ്റൊരു ബ്ളോക്കിൽ ക്വാ​റന്റൈൻ സൗകര്യമൊരുക്കി മാറ്റുകയാണ്​. ശനിയാഴ്​ച 71 പേർക്കാണ്​ കൊവി​ഡ്​ സ്​ഥിരീകരിച്ചത്. ഇനിയും പോസിറ്റീവ്​ കേസുകൾ റിപ്പോർട്ട്​ ചെയ്​താൽ ജയിലിലെ സൗകര്യം തികയാതെ വരുമെന്ന ആശങ്കയിലാണ്​ ജയിൽ അധികൃതർ. നിലവിൽ പ്രത്യേക ബ്ലോക്കിൽ ഡോർമിറ്ററി സംവിധാനം ഒരുക്കിയാണ്​ കൊവിഡ്​ രോഗികളെ പാർപ്പിച്ചിരിക്കുന്നത്​.