എഫ്.എ കപ്പ് ഫൈനൽ ഇന്ന്
ലണ്ടൻ: ചെൽസിയും ലെസ്റ്ററും മുഖാമുഖം വരുന്ന എഫ്.എ കപ്പ് ഫൈനൽ ഇന്ന് നടക്കും. വെംബ്ലിയിൽ ഇന്ത്യൻ സമയം രാത്രി 9.45 മുതലാണ് മത്സരം. ചാമ്പ്യൻസ് ലീഗ് ഫൈനൽ ബർത്തുറപ്പിച്ചിരിക്കുന്ന ചെൽസി ലെസ്റ്ററിനെ വീഴ്ത്തി എഫ്.എ കപ്പും സ്വന്തമാക്കാമെന്ന പ്രതീക്ഷയിലാണ്.
ക്ലബിന്റെ മോശം പ്രകടനത്തെ തുടർന്ന് ഇതിഹാസ താരം ഫ്രാങ്ക് ലാംപാർഡിൽ നിന്ന് സീസണിന്റെ മദ്ധ്യത്തിൽ ചെൽസിയുടെ പരിശീലക സ്ഥാനം ഏറ്റെടുത്ത തോമസ് ടുഷ്യലിന്റെ കീഴിൽ മികച്ച പ്രകടനമാണ് ചെൽസി പുറത്തെടുക്കുന്നത്. ചാമ്പ്യൻസ് ലീഗിലും എഫ്.എ കപ്പിലും ഫൈനലിൽ എത്തിയ അവർ പ്രിമിയർ ലീഗിൽ ആദ്യ നാലിലും ഉണ്ട്. 1969ന് ശേഷം ആദ്യ എഫ്.എ കപ്പ് ഫൈനലിനാണ് ലെസ്റ്റർ ഒരുങ്ങുന്നത്. പ്രിമിയർലീഗിൽ പോയിന്റ് ടേബിളിൽ നിലവിൽ ചെൽസിയെക്കാൾ മുന്നാലാണെന്നത് അവർക്ക് ആത്മ വിശ്വാസം നൽകുന്ന ഘടകമാണ്.