24 മണിക്കൂർ, 196 കൊവിഡ് മരണം, 17,821 രോഗികൾ, 20.41% വ്യാപനം
Monday 24 May 2021 11:28 PM IST
തിരുവനന്തപുരം: കൊവിഡ് വ്യാപനത്തിന്റെ രണ്ടാം തരംഗത്തിന്റെ ശക്തി കുറഞ്ഞെങ്കിലും സംസ്ഥാനത്ത് മരണസംഖ്യ വർദ്ധിക്കുന്നു. ഇന്നലെ 196 മരണങ്ങളാണ് റിപ്പോർട്ട് ചെയ്തത് ഏറ്റവും ഉയർന്ന പ്രതിദിന മരണനിരക്കാണിത്. ഇതോടെ ആകെ മരണം 7554 ആയി. അതേസമയം രോഗികളുടെ എണ്ണത്തിൽ ക്രമാനുഗതമായ കുറവാണ് ഇന്നലെയും ഉണ്ടായത്. 24മണിക്കൂറിനിടെ 17,821പേരാണ് രോഗബാധിതരായത്. 20.41 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 87,331 സാമ്പിളുകളാണ് പരിശോധിച്ചത്. 78 ആരോഗ്യ പ്രവർത്തകർക്കാണ് രോഗം ബാധിച്ചത്. 36,039 പേർ രോഗമുക്തി നേടി.