ആത്മഹത്യകൾ ആശങ്കാജനകം
Monday 28 June 2021 12:20 AM IST
ചാത്തന്നൂർ: സ്ത്രീധന - ഭർതൃപീഡനങ്ങളെ തുടർന്ന് വർദ്ധിച്ചുവരുന്ന ആത്മഹത്യകൾ ആശങ്കാജനകമാണെന്ന് വനിതാ കമ്മിഷൻ അംഗം ഷാഹിദാ കമാൽ പറഞ്ഞു. പരവൂർ പുത്തൻകുളത്തിന് സമീപം ചിറക്കരത്താഴത്ത് ഭർതൃ പീഡനത്തെ തുടർന്ന് തൂങ്ങിമരിച്ച നിലയിൽ കാണപ്പെട്ട ചിറക്കരത്താഴം വിഷ്ണു ഭവനിൽ വിജിതയുടെ മാതാവിനെയും കുട്ടികളെയും സന്ദർശിച്ച ശേഷം മാദ്ധ്യമങ്ങളോട് സംസാരിക്കുകയായിരുന്നു അവർ. ബോധവത്കരണ ക്ളാസ്, പൊലീസിനെ വിളിക്കാനുള്ള സംവിധാനം എന്നിവ ഒരുക്കാൻ തീരുമാനിച്ചതായി ഷാഹിദാ കമാൽ പറഞ്ഞു. സംഭവത്തിൽ വനിതാ കമ്മിഷൻ സ്വമേധയാ കേസെടുത്തു.