ഉദ്ഘാടന വേദിക്ക് പുറത്ത് പ്രതിഷേധവും
Saturday 24 July 2021 2:36 AM IST
ടോക്യോ: ലോകത്തിലെ ഏറ്റവും വലിയ കായികമാമാങ്കത്തിന് തിരിതെളിയുന്നതിന് തൊട്ടുമുമ്പ് ടോക്യോയിലെ നാഷണൽ സ്റ്റേഡിയത്തിന് പുറത്ത് കൊവിഡ് കാലത്തെ ഒളിമ്പിക്സിനെതിരെ ജനങ്ങൾ പ്രതിഷേധ പ്രകടനം.
ഒളിമ്പിക്സ് റദ്ദാക്കണമെന്നായിരുന്നു പ്രതിഷേധക്കാരുടെ ആവശ്യം. ജപ്പാനിലുടനീളം ഈ ആവശ്യമുന്നയിച്ച് വലിയ പ്രതിഷേധമാണ് നടക്കുന്നത്. ജനങ്ങൾ കൊവിഡ് മൂലം ബുദ്ധിമുട്ടുന്നതിനിടയിൽ ഒളിമ്പിക്സ് നടത്തുന്നതിനെതിരെ നേരത്തേ തന്നെ രാജ്യത്തിന്റെ വിവിധ ഭാഗങ്ങളിൽല് പ്രതിഷേധ പ്രകടനങ്ങൾ നടന്നിരുന്നു.രാജ്യത്തെ ഡോക്ടർമാരടക്കമുള്ള വിദഗ്ധസംഘം ഒളിമ്പിക്സ് നടത്തുന്നതിന് എതിരുമായിരുന്നു. വലിയ പോലീസ് നിരയെ അണിനിരത്തിയാണ് അധികൃതർ പ്രതിഷേധക്കാരെ തടഞ്ഞത്.