അമൃത വിദ്യാപീഠത്തിന് നാക് അംഗീകാരം

കൊച്ചി: അമൃത വിശ്വവിദ്യാപീഠത്തിന് നാഷണൽ അസസ്‌മെന്റ് ആൻഡ് അക്രഡിറ്റേഷൻ കൗൺസിലിന്റെ (നാക്) എ പ്ലസ് അംഗീകാരം ലഭിച്ചു. നാലിൽ 3.7സി.ജി.പി.എ സ്‌കോർ നേടിയാണ് അമൃത അംഗീകാരത്തിന് അർഹരായത്. 2020-ലെ എൻ.ഐ.ആർ.എഫ് റാങ്കിംഗിൽ എ പ്ലസ് പ്ലസ് ഗ്രേഡ് ലഭിച്ചിരുന്നു. 2009ലും 2014ലും അമൃതയ്ക്ക് നാക്കിന്റെ എ ഗ്രേഡും ലഭിച്ചിരുന്നു. പാഠ്യ പദ്ധതി, പഠനം, മൂല്യ നിർണയം തുടങ്ങി ഏഴ് മാനദണ്ഡങ്ങളിൽ വിശദമായ വിലയിരുത്തൽ നടത്തിയതിന് ശേഷമാണ് അംഗീകാരത്തിനായി പരിഗണിച്ചത്. അമൃത പിന്തുടരുന്ന അക്കാഡമിക മികവിന്റെ നേർസാക്ഷ്യമാണ് നാക് അംഗീകാരമെന്ന് അമൃത വിശ്വവിദ്യാപീഠം വൈസ്ചാൻസലർ ഡോ.പി. വെങ്കിട്ട് രംഗൻ പറഞ്ഞു.