എൽദോസിനും ബോംബ് ഭീഷണി

കൊച്ചി: പെരുമ്പാവൂർ എം.എൽ.എ എൽദോസ് കുന്നപ്പിള്ളിക്ക് മണ്ഡലത്തി​ലെ 'വെങ്ങോല ഐസി​സ്' അംഗത്തിന്റേതെന്നെ് മലയാളത്തിലെഴുതിയ ഭീഷണിക്കത്ത്. കിറ്റെക്‌സ് കമ്പനിക്കെതിരെ പ്രവർത്തിച്ചാൽ ബോംബെറിഞ്ഞ് ശരിപ്പെടുത്തുമെന്നാണ് മുന്നറിയിപ്പ്. പ്രാഥമികാന്വേഷണത്തിൽ മേൽവിലാസം വ്യാജമാണെന്ന് കണ്ടെത്തി. പി.ടി. തോമസിനെയും കത്തിൽ ആക്ഷേപിച്ചിട്ടുണ്ട്.പൊലീസ് സംരക്ഷണം ആവശ്യപ്പെട്ട് എൽദോസ് ഇന്നലെ മുഖ്യമന്ത്രിക്ക് പരാതി നൽകി. ഈ മാസം ആദ്യം മേയർ എം.അനിൽകുമാറിന് താലിബാന്റേതെന്ന പേരിൽ ഭീഷണിക്കത്ത് ലഭിച്ചിരുന്നു.