സംസ്ഥാനത്ത് 27ന് ഹർത്താൽ

തിരുവനന്തപുരം: പത്ത് മാസമായി നടക്കുന്ന കർഷക പ്രക്ഷോഭത്തിന് പരിഹാരം കാണാത്ത കേന്ദ്ര സർക്കാർ നിലപാടിൽ പ്രതിഷേധിച്ച് ഈ മാസം 27ന് രാവിലെ 6 മുതൽ വൈകിട്ട്​ 6 വരെ നടത്തുന്ന ഭാരത ബന്ത് സംസ്ഥാനത്ത് ഹർത്താലായി ആചരിക്കുമെന്ന് സംയുക്ത ട്രേഡ് യൂണിയൻ സമിതി അറിയിച്ചു. പത്രം, പാൽ, ആംബുലൻസ്​, മരുന്ന്​ വിതരണം, ആശുപത്രി സേവനം, വിവാഹം, രോഗികളുടെ സഞ്ചാരം, മറ്റ്​ അവശ്യ സർവീസുകൾ എന്നിവ​യെ ഹർത്താലിൽ നിന്ന്​ ഒഴിവാക്കി​. കൊവിഡ്​ മാനദണ്ഡം പാലിച്ച്​ 27ന് രാവിലെ എല്ലാ തെരുവുകളിലും പ്രതിഷേധ ശൃംഖല സംഘടിപ്പിക്കും. ഇന്ന് പ്രധാന തെരുവുകളിൽ ജ്വാല തെളിച്ച്​ ഹർത്താൽ വിളംബരം ചെയ്യുമെന്ന് സംയുക്ത സമിതി പ്രസിഡന്റ് ആർ. ചന്ദ്രശേഖരൻ, സെക്രട്ടറി എളമരം കരിം, കൺവീനർ കെ.പി. രാജേന്ദ്രൻ എന്നിവർ അറിയിച്ചു.