കുടിവെള്ള പദ്ധതി നടപ്പാക്കാത്തതിൽ പ്രതിഷേധം

അടൂർ : ഏനാദിമംഗലം പഞ്ചായത്തിലെ കുടിവെള്ളക്ഷാമം പരിഹരിക്കുന്നതിന് കേന്ദ്ര സർക്കാർ നടപ്പാക്കിവരുന്ന ജലനിധി പദ്ധതി നടപ്പാക്കാതെ, അട്ടിമറിക്കാനുള്ള പഞ്ചായത്ത് ഭരണസമിതിയുടെ നടപടയിൽ ബി.ജെ.പി ഏനാദിമംഗലം പഞ്ചായത്ത് കമ്മിറ്റി പ്രതിഷേധിച്ചു. മതിയായ കേന്ദ്രഫണ്ട് ലഭിച്ചിട്ടും പദ്ധതി​ നടപ്പാക്കത്തതി​ൽ പ്രതിഷേധിച്ച് പ്രത്യക്ഷ സമര പരിപാടികൾ സംഘടിപ്പിക്കുമെന്നും യോഗം മുന്നറിയിപ്പ് നൽകി. പഞ്ചായത്ത് അംഗം ആർ. സതീഷ് കുമാർ, എൻ. കെ. സതികുമാർ, രതീഷ് ബാലകൃഷ്ണൻ, ജിനേഷ് കുമാർ എന്നിവർ സംസാരിച്ചു.