ശിവഗിരി തീർത്ഥാടനം: ആലോചനായോഗം

ശിവഗിരി: 89-ാമത് ശിവഗിരി തീർത്ഥാടനം കൊവിഡ് മാനദണ്ഡങ്ങൾ പാലിച്ച് നടത്താൻ ശിവഗിരിമഠം തീരുമാനിച്ചു. തീർത്ഥാടന നടത്തിപ്പിനായി വിവിധ കമ്മിറ്റികൾ രൂപീകരിക്കുന്നതിന് 18ന് ഉച്ചയ്ക്ക് 2 മണിക്ക് ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദയുടെ അദ്ധ്യക്ഷതയിൽ ആലോചനായോഗം ചേരും. തീർത്ഥാടനകമ്മിറ്റി സെക്രട്ടറി സ്വാമി ഗുരുപ്രസാദ് തീർത്ഥാടന നടത്തിപ്പ് സംബന്ധിച്ച് യോഗത്തിൽ വിശദീകരിക്കും. ജനറൽ സെക്രട്ടറി സ്വാമി ഋതംഭരാനന്ദ, ട്രഷറർ സ്വാമി ശാരദാനന്ദ, സ്വാമി വിശാലാനന്ദ തുടങ്ങിയവർ പങ്കെടുക്കും.