വി.ഹർഷകുമാറിന് ഭാഷാപുരസ്കാരം
Sunday 21 November 2021 2:03 AM IST
കൊല്ലം: മലയാള ഐക്യവേദിയുടെ ഈ വർഷത്തെ ഭാഷാ പുരസ്കാരത്തിന് കാഥികൻ വി.ഹർഷകുമാർ അർഹനായി. മലയാള ഭാഷയ്ക്ക് നൽകിയ സമഗ്ര സംഭാവനകൾ മുൻനിറുത്തിയാണ് പുരസ്കാരം. കഥാപ്രസംഗ ലോകത്ത് 61 വർഷം തികച്ച ഹർഷകുമാർ മലയാള ഭാഷയെ പരിപോഷിപ്പിക്കാനും ജനകീയമാക്കാനും മികച്ച പ്രവർത്തനം നടത്തിയിട്ടുള്ളതായി സംഘാടകർ വിലയിരുത്തി. 10,001 രൂപയും ഉപഹാരവും പ്രശസ്തിപത്രവും അടങ്ങുന്ന പുരസ്കാരം ഈ മാസം അവസാനവാരം കൊല്ലത്ത് നടക്കുന്ന ചടങ്ങിൽ വിതരണം ചെയ്യുമെന്ന് ഐക്യവേദി പ്രസിഡന്റ് അടുതല ജയപ്രകാശും സെക്രട്ടറി മടന്തകോട് രാധാകൃഷ്ണനും അറിയിച്ചു.