രാമനാട്ടുകരയുടെ ചരിത്രപുസ്തകവുമായി ഗ്രന്ഥകർത്താവ് വിദ്യാർത്ഥികൾക്കൊപ്പം
Saturday 11 December 2021 12:45 AM IST
രാമനാട്ടുകര: രാമനാട്ടുകരയുടെ ചരിത്രവും വർത്തമാനവുമായി ഗ്രന്ഥകർത്താവ് തന്നെ വിദ്യാർത്ഥികളെ തേടിയെത്തിയത് പുത്തൻ അനുഭവമായി.
ഗ്രന്ഥകർത്താവായ ഗോപി പുതുക്കോടാണ് 'രാമനാട്ടുകരയുടെ ചരിത്രവും വർത്തമാനവും" എന്ന പുസതകം ചർച്ചയ്ക്ക് വെക്കാനായി രാമനാട്ടുകര ഗവ.യു.പി സ്കൂളിലെത്തിയത്. ചോദ്യോത്തരങ്ങളും കഥകളും കഥകളുടെ വിശദീകരണവുമായി നടന്ന പുസ്തകചർച്ച വിദ്യാർത്ഥികൾക്കെന്ന പോലെ രക്ഷിതാക്കൾക്കും കൗതുകം പകരുന്നതായി.
'കടുങ്ങോൻചിറയുടെ കഥ തേടി" എന്ന പരിപാടിയുടെ ഉദ്ഘാടനം എ.ഇ.ഒ അജിത്കുമാർ നിർവഹിച്ചു. നിഹാരിക അദ്ധ്യക്ഷത വഹിച്ചു. ഹെഡ്മാസ്റ്റർ ബി.സി. അബ്ദുൾഖാദർ,ആർദ്ര, എന്നിവർ സംസാരിച്ചു. സ്കൂൾ ലീഡർ എൻ.കെ മുഹമ്മദ് നബീൽ സ്വാഗതവും കെ.ടി.ഫാത്തിമ ഹഹ്മ നന്ദിയും പറഞ്ഞു.