പാഴ് വസ്തുക്കളിൽ ഒരുങ്ങി ഒരു ക്രിസമസ് ട്രീ
Saturday 18 December 2021 12:11 AM IST
കുടിക്കോട്: പാഴ് വസ്തുക്കൾ കോർത്തിണക്കി വർണ്ണപ്പകിട്ടേറിയ ഒരു ക്രിസ്മസ് ട്രീ ഒരുക്കിയിരിക്കുകയാണ് ശ്രീ ഗുരുദേവ സെൻട്രൽ സ്കൂളിലെ വിദ്യാർത്ഥികളും അദ്ധ്യാപകരും അനദ്ധ്യാപകരും.
'പാഴ്വസ്തുക്കളുടെ പുനർജനി' എന്നതാണ് ഇത്തവണത്തെ ക്രിസ്മസ് ആഘോഷത്തിന്റെ തീം. നാലാൾ പൊക്കത്തിൽ ടാർപ്പ, കാർഡ്ബോർഡ് പെട്ടികൾ, ഉപയോഗശൂന്യമായ സിഡികൾ, ചണം, വേസ്റ്റ് പേപ്പർ, കാലാവധി കഴിഞ്ഞ പെയിന്റ് തുടങ്ങിയവ ഉപയോഗിച്ചാണ് ക്രിസ്മസ് ട്രീ ഒരുക്കിയത്. നാല് ദിവസത്തെ പരിശ്രമമാണ് ഒടുവിൽ വിജയത്തിലെത്തിയത്.