കുട്ടികൾക്കായി പൊതുവിജ്ഞാനക്ലാസ്
Monday 27 December 2021 12:38 AM IST
തെങ്ങമം : കുട്ടികളുടെ പൊതുവിജ്ഞാനം മെച്ചപ്പെടുത്തുന്നതിനും ആനുകാലിക സംഭവങ്ങളെക്കുറിച്ച് കൂടുതൽ ധാരണ നൽകുന്നതിനുമായി തെങ്ങമം ഗവ.ഹൈസ്കൂളിൽ തുടങ്ങിയ 'നോളജ് അക്വിസിഷൻ പ്രോഗ്രാമിന്റെ ' ഉദ്ഘാടനവും കവയിത്രി സുഗതകുമാരി അനുസ്മരണവും കാർട്ടൂണിസ്റ്റ് അഡ്വ.ജിതേഷ്.ജി നിർവഹിച്ചു. എസ്.എം.സി ചെയർമാൻ വി.രവീന്ദ്രൻപിള്ള അദ്ധ്യക്ഷനായി. പ്രഥമാദ്ധ്യാപകൻ രാധാകൃഷ്ണൻ ടി.പി, വാർഡ് മെമ്പർ രഞ്ജിനി രാജൻ, ശിലാ സന്തോഷ്, പ്രിൻസിപ്പൽ ബി.ബിന്ദു, ഇന്ദിരാഭായ് , എസ്.എം.സി അംഗം ബിന്ദു.കെ, സീനിയർ ടീച്ചർ സജി.എസ് എന്നിവർ സംസാരിച്ചു. കുട്ടികളും രക്ഷിതാക്കളും പങ്കെടുത്തു.