ആദിവാസി ക്ഷേമസമിതി സമ്മേളനം 25 മുതൽ
Monday 16 May 2022 4:23 AM IST
തിരുവനന്തപുരം: ആദിവാസി ക്ഷേമസമിതിയുടെ 5ാം സംസ്ഥാന സമ്മേളനം 25, 26, 27 തീയതികളിൽ ഇടുക്കി കെ.രത്നാകരൻ കാണി നഗറിൽ നടക്കും. 25ന് കൊടിമരജാഥ, പതാകജാഥ, ദീപശിഖ ജാഥ എന്നിവയുണ്ടാകും.
26, 27 തീയതികളിൽ നടക്കുന്ന പ്രതിനിധി സമ്മേളനം മന്ത്രി കെ.രാധാകൃഷ്ണനും പൊതു സമ്മേളനം അടിമാലി എ.സുന്ദരം നഗറിൽ മുഖ്യമന്ത്രി പിണറായി വിജയനും ഉദ്ഘാടനം ചെയ്യും. 27ന് ആദിവാസി റാലിയോടെ നടക്കുന്ന പൊതുസമ്മേളനത്തിൽ മന്ത്രി കെ.രാധാകൃഷ്ണൻ, എ.കെ.ബാലൻ, കെ.കെ.ജയചന്ദ്രൻ, എം.എൽ.എമാരായ എം.എം.മണി, ഒ.ആർ.കേളു, എ.രാജ, സി.വി.വർഗ്ഗീസ്, ബി.വിദ്യാധരൻ കാണി എന്നിവർ പങ്കെടുക്കും.