ഐ.ഐ.ടി ബോംബെയിൽ എൻജിനിയർ ഒഴിവുകൾ
തിരുവനന്തപുരം: ഐ.ഐ.ടി ബോംബെയിൽ സൂപ്രണ്ടിംഗ് എൻജിനിയർ, ജൂനിയർ എൻജിനിയർ, ജൂനിയർ അഡ്മിനിസ്ട്രേറ്റീവ് അസിസ്റ്റന്റ് തുടങ്ങിയ 31 ഒഴിവുകളിലേക്ക് അപേക്ഷ ക്ഷണിച്ചു. അവസാനതീയതി ജൂൺ 9. അപേക്ഷയ്ക്കും വിശദാംശങ്ങൾക്കും iitb.ac.in. സൂപ്രണ്ടിംഗ് എൻജിനിയർ: 123100-215900, ജൂനിയർ എൻജിനിയർ: 35400-112400, ജൂനിയർ അഡ്മിനിസ്ട്രേറ്റീവ് അസിസ്റ്റന്റ്: 21700-69100 എന്നിങ്ങനെയാണ് ശമ്പളനിരക്കുകൾ.
തെലങ്കാനയിൽ പൊലീസാകാം
ഹൈദരബാദ്: തെലങ്കാന സ്റ്റേറ്റ് ലെവൽ പൊലീസ് റിക്രൂട്ട്മെന്റ് ബോർഡ് എസ്.ഐ, ട്രാൻസ്പോർട്ട് കോൺസ്റ്റബിൾ, പ്രൊഹിബിഷൻ ആൻഡ് എക്സൈസ് കോൺസ്റ്റബിൾ തസ്തികകളിലെ 17,291 ഒഴിവുകളിലേക്ക് മേയ് 26 വരെ അപേക്ഷിക്കാം. വിശദാംശങ്ങളും അപേക്ഷയും tslprb.in എന്ന തെലങ്കാന പൊലീസ് വെബ്സൈറ്റിൽ. ജനറൽ കാറ്റഗറിയിൽ 800 രൂപയാണ് അപേക്ഷാഫീസ്.
എയർഫോഴ്സിൽ എൽ.ഡി ക്ളർക്ക്
ന്യൂഡൽഹി: ഇന്ത്യൻ എയർഫോഴ്സ് ലോവർ ഡിവിഷൻ ക്ളർക്ക് ഒഴിവുകളിലേക്ക് അപേക്ഷ ക്ഷണിച്ചു. പ്രായപരിധി 18-25. സംവരണവിഭാഗത്തിന് പ്രായത്തിൽ ആനുകൂല്യം ഉണ്ടാകും. പ്ളസ്ടു പാസായ, ഒരു മിനുറ്റിൽ 35 വാക്കുകളുടെ ടൈപ്പിംഗ് വേഗത ഉള്ളവർക്ക് അപേക്ഷിക്കാം. യോഗ്യതാപരീക്ഷയിൽ പ്ളസ്ടു തലത്തിലുള്ള ജനറൽ ഇംഗ്ളീഷ്, പൊതുവിജ്ഞാനം, ന്യൂമറിക്കൽ ആപ്റ്റിഡ്യൂഡ്, ജനറൽ ഇന്റലിജന്റ്സ് വിഭാഗത്തിൽ നിന്നായിരിക്കും ചോദ്യങ്ങൾ. ഇംഗ്ളീഷ്, ഹിന്ദി ഭാഷകളിലായിരിക്കും. അവസാന തീയതി ജൂൺ 20.
ഇംഗ്ളീഷിലോ ഹിന്ദിയിലോ തയ്യാറാക്കിയ അപേക്ഷയിൽ പുതിയ ഫോട്ടോയും സ്വയം സാക്ഷ്യപ്പെടുത്തിയ സർട്ടിഫിക്കറ്റുകളുടെ പകർപ്പും വേണം, സ്വന്തം മേൽവിലാസമെഴുതിയ പത്തുരൂപ സ്റ്റാമ്പ് ഒട്ടിച്ച കവറും അപേക്ഷയിലുണ്ടാകണം. ഏതുപോസ്റ്റാണെന്നും കാറ്റഗറിയാണെന്നും കവറിന് പുറത്ത് സൂചിപ്പിക്കണം.
അപേക്ഷകൾ പ്രിസൈഡിംഗ് ഓഫീസർ, സിവിലിയൻ റിക്രൂട്ട്മെന്റ് ബോർഡ്, എയർഫോഴ്സ് റെക്കാർഡ് ഓഫീസ്, സുബ്രതോ പാർക്ക്, ന്യൂഡൽഹി -110010 എന്ന വിലാസത്തിൽ അയക്കണം. കൂടുതൽ വിവരങ്ങൾ എംപ്ളോയ്മെന്റ് ന്യൂസിൽ.
ഇഗ്നോ കോഴ്സുകൾ
രജിസ്ട്രേഷൻ സൗകര്യം
ന്യൂഡൽഹി: ഇഗ്നോയിൽ പഠിക്കുന്ന വിദ്യാർത്ഥികൾക്ക് അടുത്ത അദ്ധ്യയനവർഷത്തേക്കുള്ള രജിസ്ട്രേഷന് പോർട്ടൽ സൗകര്യം ഏർപ്പെടുത്തി. വിവിധ ബിരുദ, പി.ജി, പി.ജി സർട്ടിഫിക്കറ്റ്, പോസ്റ്റ് ഗ്രാജുവേറ്റ് ഡിപ്ളോമ തുടങ്ങിയ കോഴ്സുകളിലാണിത്. onlinerr.ignou.ac.in ലാണ് വിദ്യാർത്ഥികൾ രജിസ്റ്റർ ചെയ്യേണ്ടത്. അവസാന തീയതി ജൂൺ 3. നേരത്തെ ഇഗ്നോ കോഴ്സുകൾക്ക് രജിസ്റ്റർ ചെയ്ത വിദ്യാർത്ഥികൾക്ക് അടുത്ത അദ്ധ്യയനവർഷത്തേക്കും സെമസ്റ്ററിലേക്കും ഓൺലൈനിലൂടെ ഫീസും അടയ്ക്കാൻ സാധിക്കുമെന്ന് അധികൃതർ അറിയിച്ചു.
ക്ഷേമനിധി കുടിശിക
ഒറ്റത്തവണ തീർപ്പാക്കാം
തിരുവനന്തപുരം:കേരള കള്ള് വ്യവസായ തൊഴിലാളി ക്ഷേമനിധി ബോർഡിൽ കുടിശിക ഒറ്റത്തവണയായി തീർപ്പാക്കാം. മേയ് 13 മുതൽ 6 മാസക്കാലത്തേക്കാണ് നടപടി. കുടിശികയുള്ളവർ ബോർഡിന്റെ ജില്ലാ ഓഫീസുകളിൽ അപേക്ഷ സമർപ്പിക്കണം. വിശദവിവരങ്ങൾ ക്ഷേമനിധി ബോർഡിന്റെ വിവിധ ജില്ലാ ഓഫീസുകളിൽ ലഭിക്കും.