ഫ്രഞ്ച് ഓപ്പൺ: നദാൽ,​ ജോക്കോവിച്ച് പ്രീക്വാർട്ടറിൽ

പാരീസ്: ഫ്രഞ്ച് ഓപ്പൺ ഗ്രാൻസ്ലാം ടെന്നിസിൽ നിലവിലെ ചാമ്പ്യൻ നൊവാക്ക് ജോക്കോവിച്ചും സ്പാനിഷ് സെൻസേഷൻ നൊവാക്ക് ജോക്കോവിച്ചും പ്രീക്വാർട്ടറിൽ കടന്നു. ഇന്നലെ നടന്ന മൂന്നാം റൗണ്ട് മത്സരത്തിൽ സ്ലൊവേനിയൻ താരം അൽജാസ് ബെദേനയെ നേരിട്ടുള്ള സെറ്റുകളിൽ കീഴടക്കിയാണ് ജോക്കോ ക്വാർട്ടർ ഉറപ്പിച്ചത്. ബോട്ടിക്ക് വാൻ ഡെ സൻഡ്ഷുൾപ്പിനെ നേരിട്ടുള്ള സെറ്റുകളിൽ വീഴ്ത്തിയാണ് നദാലിന്റെ പടയോട്ടം. സ്കോർ:6-3,​6-2,​6-4. വനിതാ സിംഗിൾസിൽ അമേരിക്കൻ താരം കോക്കോ ഗൗഫ് എസ്റ്റോണിയൻ താരം കയിയ കനേപിയെ കീഴടക്കി നാലാം റൗണ്ടിൽ എത്തി. സ്കോർ : 6-3,6-4. പതിനെട്ട് കാരിയായ ഗൗഫും 36 കാരിയായ കനേപിയും തമ്മിലുള്ള മത്സരം ടൂർണമെന്റിലെ ഏറ്റവും പ്രായംകുറഞ്ഞ താരവും പ്രായം കൂടിയ താരവും തമ്മിലുള്ള പോരാട്ടമായിരുന്നു. അതേസമയം ജർമ്മൻ സൂപ്പർ താരം ആഞ്ജലിക്വെ കെർബർക്ക് മൂന്നാം റൗണ്ടിൽ അടിതെറ്റി. അലിയാക്സാണ്ട്ര സസ്‌നോവിച്ചാണ് കെർബറെ നേരിട്ടുള്ള സെറ്റുകളിൽ അട്ടിമറിച്ചത്. സ്കോർ 6-4, 7-6.

മുൻചാമ്പ്യൻ സിമോണ ഹാലപ്പ് കഴിഞ്ഞ ദിവസം ചൈനയുടെ ക്വിൻ വെൻ ഷിംഗിനോട് തോറ്റ് പുറത്തായിരുന്നു.