അപരന് 384 നോട്ടയ്ക്ക് 1111
Saturday 04 June 2022 1:17 AM IST
കൊച്ചി: തൃക്കാക്കര ഉപതിരഞ്ഞെടുപ്പിൽ ഇടതുസ്ഥാനാർത്ഥി ഡോ.ജോ ജോസഫിന് വെല്ലുവിളി ഉർത്തുമെന്ന് പ്രഖ്യാപിച്ച അപരൻ ജോമോൻ ജോസഫ് നിലംതൊട്ടില്ല. ജോമോന് ആകെ കിട്ടിയത് 384 വോട്ട്.
അപരനേക്കാൾ വോട്ട് നേടിയ 'നോട്ട" നാലാംസ്ഥാനത്തെത്തി. 1,111 വോട്ടാണ് നോട്ടയ്ക്ക് കിട്ടിയത്. ആദ്യറൗണ്ടിൽ തന്നെ 107 വോട്ടുനേടി നോട്ട സ്കോർബോർഡ് തുറന്നിരുന്നു. തുടർന്ന് എല്ലാ റൗണ്ടിലും സ്വാധീനം ഉറപ്പിച്ചു. മത്സരരംഗത്തുണ്ടായിരുന്ന അനിൽ നായർ -100, സി.പി.ദിലീപ് നായർ-36, ബോസ്കോ കളമശേരി - 136, മന്മഥൻ- 101 എന്നിവരും എല്ലാ റൗണ്ടിലും പേര് നിലനിറുത്തി.