ഇൻഡസ്ട്രിയൽ ക്ലിനിക്ക് ഉദ്ഘാടനം ചെയ്തു

കോട്ടയ്ക്കൽ: കോട്ടയ്ക്കൽ ആര്യവൈദ്യശാല കഞ്ചിക്കോട് വ്യാവസായിക മേഖലയിലെ ഫാക്ടറികളിൽ ആരംഭിക്കുന്ന ഇൻഡസ്ട്രിയൽ ക്ലിനിക്കുകളുടെ ആദ്യഘട്ട ഉദ്ഘാടനം കഞ്ചിക്കോട് സെയ്ന്റ് ഗൊബെയ്ൻ ഫാക്ടറിയിൽ കോട്ടയ്ക്കൽ ആര്യവൈദ്യശാല മാനേജിംഗ് ട്രസ്റ്റിയും ചീഫ് ഫിസിഷ്യനുമായ ഡോ. പി.എം. വാരിയർ നിർവഹിച്ചു. എല്ലാമാസവും ഒരുദിവസം ഈ ഫാക്ടറിയിൽ സൗജന്യ മെഡിക്കൽ ഒ.പി, ആരോഗ്യബോധവത്കരണ ക്ലാസുകൾ എന്നിവ സംഘടിപ്പിക്കും. സെയ്ന്റ് ഗൊബെയ്ൻ യൂണിറ്റ് ഹെഡ് ശേഖർ, കോട്ടയ്ക്കൽ ആര്യവൈദ്യശാല ട്രസ്റ്റിമാരായ ഡോ. കെ. മുരളീധരൻ, കെ.ആർ. അജയ്, ഡോ. സുജിത്ത് എസ്. വാരിയർ, ഡോ. പി. രാംകുമാർ എന്നിവർ പങ്കെടുത്തു.